نعت شریف

علی احمد گجراتی

جنابِ آمنہ تیرے ایہ نورالعین دا سہرا
خدیجہ پاک دے شوہر علی دے چین دا سہرا
اَدب دے نال مَلکاں نیں عرش اُتے سجایا اے
دروداں تے سلاماں دا ایہ حوراں نیں بنایا اے
رسالت دے حسِیں پیکر خدا دے زین دا سہرا
جنابِ آمنہ تیرے ایہ نورالعین دا سہرا
ایہدی کلیاں توں فِطرت دی فدا ہر دَم نزاکت ہے
ایہدی لڑیاں نوں اللہ نیں عطا کیتی نفاست ہے
فضاواں نوں ایہ مہکاوے شہِ ثقلین دا سہرا
جنابِ آمنہ تیرے ایہ نورالعین دا سہرا
مزمل دی مہک اِس وچ مدثر دی چمک والا
لہک یٰسین دی شامل ہے طٰہٰ دی دَمک والا
جمالِ عشق دِی احمد سناواں عین دا سہرا
جنابِ آمنہ تیرے ایہ نورالعین دا سہرا