نوازشریف دی میڈیکل رپورٹاں دے معاملے تے تحقیقات، فواد دی کمیشن بنان دی تجویز
اسلام آباد: فواد چودھری نے سابق وزیراعظم نوازشریف دی میڈیکل رپورٹاں دے معاملے تے تحقیقات لئی آزاد کمیشن بنان دی تجویز دے دتی۔ وفاقی وزیر فواد چودھری نے سماجی رابطے دی ویب سائٹ تے اپنے ٹویٹ وچ آکھیا سابق وزیراعظم نوازشریف دی ضمانت وچ توسیع نہ کرن دا پنجاب حکومت دا فیصلہ احسن قدم اے، پر اگلے مرحلے وچ ایس گل دا تعین ہونا ضروری اے کیہ نوازشریف دی میڈیکل رپورٹاں جہناں تے ضمانت دتی گئی جعلسازی نال تیار کرائی گئیاں سن۔ جے انج سی تے ایہدے وچ کون کون ملوث اے؟ ایہدے لئی آزاد کمیشن بٹھانا ہووے گا۔
