غزل
جان کاشمیری
دنیا بھاویں رنگ برنگی بھلیا لوکا
بھلیاں دی اے یاری چنگی بھلیا لوکا
لَے لَے لِلّاں بند کریں گا بند نہ ہوسی
چھیڑ نہ ایویں خانہ جنگی بھلیا لوکا
آ جا آ جا سبھ کجھ چھڈ کے چھیتی آ جا
جند نمانی سُولی ٹنگی بھلیا لوکا
اے وی تحفہ کُھس جاندا اے نال حیاتی
بعد مرن توں کاہدی تنگی بھلیا لوکا
کِڈھا سوہنا جاپے تبدیلی دا منظر
گنجے ہتھ وی ویکھی کنگھی بھلیا لوکا
سنگ پُنے دی بات کدی نہ توڑی چڑھدی
کوئی نہ ایتھے تیرا سنگی بھلیا لوکا
حُسن دی دو موہی سپنی ڈاڈا پایا کم
دل وی ڈنگیا روح دی ڈنگی بھلیا لوکا
