پی ٹی آئی دا دوجا لانگ مارچ۔۔۔۔۔۔۔۔۔۔۔۔۔۔۔۔

پی ٹی آئی 2018 وچ وفاق’ پنجاب’ خیبر پختوانخوا’ بلوچستان وچ عددی برتری نال کامیاب ہوئی تے کپتان وزارت عظمیٰ کے منصب اتے پہنچے تے پی ٹی آئی مخالف جماعتاں نے پی ڈی ایم دی صورت وچ اتحاد بنا کے جمعیت علما اسلام (ف) دے سربراہ مولانا فضل الرحمان نوں ایہدا سربراہ بنایا گیا۔ ایس اتحاد وچ حریف جماعتاں بالخصوص مسلم لیگ (ن) تے پیپلز پارٹی حلیف بن گئیاں۔ حالانکہ ماضی وچ دونویں جماعتاں دی قیادت اک دوجے نوں آڑے ہتھوں لے رہی سی۔ پی ڈی ایم دی احتجاجی تحریک تے عمران خان نوں اتارن وچ کامیاب نہیں ہو سکی لیکن پی ٹی آئی وچ بغاوت تے پی ٹی آئی دی اتحادی ایم کیو ایم ولوں ساتھ چھڈ جان دی وجہ نال پی ڈی ایم دی جماعتاں وفاق وچ عمران خان نوں حکومت توں ہٹان وچ کامیاب ہو گئیاں۔ پی ٹی آئی پنجاب حکومت نال وی اک واری ہتھ دھو بیٹھی لیکن جدوجہد مگروں پنجاب وچ پی ٹی آئی اپنے
اتحادی مسلم لیگ (ق) دے چوہدری پرویزالٰہی نوں وزیراعلیٰ بنوان وچ کامیاب ہو گئی۔ تاہم ایس سیاسی جدوجہد دے دوران مسلم لیگ (ق) دو دھڑیاں وچ تقسیم ہو گئی۔ چودھری شجاعت پی ڈی ایم دا ساتھ دے رہے نیں تے اوہناں دے خونی رشتہ دار چوہدری پرویزالٰہی پنجاب وچ بطور وزیراعلیٰ اقتدار دے مزے لے رہے نیں۔ پی ٹی آئی دے کپتان اقتدار توں اپوزیشن وچ آئے تے کپتان نے اپنی حکومت دے خاتمہ دا ذمہ دار امریکہ نوں ٹھہرایا تے آکھیا کہ امریکی مداخلت اتے اوہناں دی حکومت ختم کیتی گئی۔ موجودہ حکمران امریکہ دے خوش آمدی نیں۔ کپتان نے گل ایتھوں ختم نہیں کیتی بلکہ پی ڈی ایم دی حکومت دے خاتمے تے چھیتی الیکشن دی تریخ دے اعلان لئی احتجاج شروع کردتا۔ کپتان نے اک دے بعد دوجے ملک بھر وچ حقیقی آزادی دے نام توں بھرواں جلسے کیتے۔ ایہہ سلسلہ
جاری سی کہ ضمنی انتخاب آ گیا تے غیر متوقع طور تے عمران خان نے ملک وچ 7نشستاں اتے الیکشن لڑیا تے 6اتے کامیابی حاصل کیتی تے ایس دوران توشہ خانہ کیس وچ عمران خان نوں الیکشن کمیشن نے میانوالی دے حلقہ اینا ے 95توں نااہل قرار دے دتا تے 6نشستاں اتے کامیابی دا رزلٹ وی روک لیتا مگروں کپتان 30اکتوبر نوں مالاکنڈ وچ ہون والے ضمنی الیکشن وچ وی پی ڈی ایم نوں شکست دے کے جت گئے۔ ایس طرحاں عمران خان قومی اسمبلی دی 7نشستاں جتن والے ملک دے پہلے سیاستدان بن گئے۔ کپتان دا چھیتی الیکشن کران لئی احتجاج ہن حقیقی آزادی لانگ مارچ دا رخ اختیار کر گیا تے ایہہ لانگ 28 مارچ توں لہور توں شروع ہو کے اسلام آباد ولوں رواں دواں اے۔ پی ٹی آئی دا خیال سی کہ لانگ مارچ 4نومبر نوں اسلام آباد پہنچے گا لیکن حالاتدس رہے نیں کہ لانگ مارچ جہڑی سپیڈ نال چل رہیا اے۔ اوہدے شرکا 10نومبر تک اسلام آباد پہنچن گے۔ عمران خان تے پی ٹی آئی دی قیادت لانگ مارچ توں گاہے بگاہے خطاب وی کر کے کھیڈاریاں دا جوش گرما رہی اے تے مطالبہ کیتا جا رہیا اے کہ ملک وچ چھیتی توں چھیتی الیکشن دا اعلان کرایا جاوے۔ پی ٹی آئی دی قیادت کہندی اے کہ جدوں تک ملک وچ جنرل الیکشن دا اعلان نہیں ہووے گا’ احتجاج جاری رہوے گا لیکن برسراقتدار وزیراعظم شہباز شریف تے وزرا جہناں دا تعلق مختلف سیاسی جماعتاں نال اے’ داعی نیں کہ جنرل الیکشن مقررہ وقت اتے ہون گے۔ حکومت کسی دبائو وچ نہیں آوے گی۔ کپتان دے کہن تے نہ تے الیکشن دا شیڈول دین گے نہ ای کپتان دا دبائو قبول کراں گے۔ وفاقی وزیر داخلہ رانا ثنا اللہ نے تے ایتھوں تک آکھیا اے کہ لانگ مارچ نوں اسلام آباد دے ریڈزون وچ داخل نہیں ہون دیاں گے تے جے کھیڈاریاں نے ریڈزون وچ داخل ہون دی کوشش کیتی تے آہنی ہتھاں نال نمٹاں گے جہدے جواب وچ پی ٹی آئی دے سربراہ عمران خان جو کہ ہقیقی آزادی مارچ دی قیادت کر رہے نیں’ نے وی رانا ثنااللہ نوں آڑے ہتھوں لیتا تے کھری کھری سنائیاں نیں۔ پی ڈی ایم دی حکومت اپوزیشن نوں دیوار
نال لان لئی ہر حربہ استعمال کر رہی اے۔ پی ٹی آئی دی مرکزی قیادت دے خلاف مقدمیاں دی بھرواں ہو گئی اے تے دوجے پاسے پنجاب تے خیبر پختوانخوا وچ پی ڈی ایم قائدین دے خلاف مقدمیاں دا سلسلہ جاری اے۔ ایس طرحاں حکومت تے اپوزیشن ہن اک دوجے دے خلاف مقدمات درج کروان لئی بازی لے جان دی کوشش وچ لگی ہوئی اے۔پی ٹی آئی دا خیال سی کہ لانگ مارچ 4نومبر نوں اسلام آباد پہنچے گا لیکن حالاتدس رہے نیں کہ لانگ مارچ جہڑی سپیڈ نال چل رہیا اے۔ اوہدے شرکا 10نومبر تک اسلام آباد پہنچن گے۔ عمران خان تے پی ٹی آئی دی قیادت لانگ مارچ توں گاہے بگاہے خطاب وی کر کے کھیڈاریاں دا جوش گرما رہی اے تے مطالبہ کیتا جا رہیا اے کہ ملک وچ چھیتی توں چھیتی الیکشن دا اعلان کرایا جاوے۔ پی ٹی آئی دے کپتان عمران خان حقیقی لانگ مارچ دی قیادت کردے ہوئے منزل ول رواں دواں نیں تے آئندہ ہفتہ وچ لانگ مارچ دے شرکا جی ٹی روڈ توں اسلام آباد پہنچن گے۔ ایسے لانگ مارچ دے حوالے نال عمران خان نے ملک دے مختلف شہراں توں قافلیاں نوں 4 نومبر توں اسلام آباد ول رواں دواں ہون دا عندیہ دے رکھیا اے جہدے لئی پنجاب ‘ خیبر پختوانخوا ‘ گلگت بلتستان’ آزاد کشمیر سنے ملک بھر توں کھیڈاری تیاریاں کر رہے نیں۔ پی ٹی آئی قیادت دا دعویٰ اے کہ حقیقی لانگ مارچ اپنی منزل اتے پہنچ کے دم لووے گا تے لکھاں دی تعداد وچ لوک ایس حقیقی آزادی مارچ وچ رلت لئی پہنچاں گے۔ وفاق وچ برسراقتدار پی ڈی ایم دی حکومت اوہناں دعوویاں نوں رد کردتا اے تے آکھیا اے کہ لانگ مارچ نوں نکام بنان لئی حکمت عملی ترتیب دی اے۔ ویکھنا ایہہ اے کہ پی ٹی آئی دے کپتان لانگ مارچ دی نتیجہ وچ جنرل الیکشن دا اعلان کروان وچ کامیاب ہوندے نیں؟ یا حکومت کپتان نوں ناک آئوٹ کردی اے؟