عمران خان دی نا اہلی

سعد اللہ شاہ

کس نے سیکھا ہے نقش پا رکھنا
پیر اٹھایا تو آ گیا رکھنا
پانیوں پر بہار اترے گی
ایک چہرہ وہاں بنا رکھنا
اج تے ایس توں علاوہ کیہ گل کیتی جاوے کہ الیکشن کمیشن نے عمران خان نوں نااہل قرار دے دتا اے تے جواباً پی ٹی آئی والے ملک بھر وچ مظاہرے کر رہے نیں۔ توشہ خانہ ریفرنس دا ایہ فیصلہ غیرمتوقع تے بالکل نہیں فیر وی امکان سی کہ شاید کوئی جرمانہ وغیرہ کرکے حالات نوں خراب ہون توں بچا لیا جاوے گا پر مسئلہ تے ہور وی سنگین ایس طرح ہو گیا کہ الیکشن کمیشن دے بقول چیئرمین پی ٹی آئی نے جھوٹا بیان حلفی جمع کروایا۔ اوہ ایہدی پاداش وچ کرپٹ پریکٹسز دے مرتکب ہوئے فوجداری کاروائی دا وی کہہ دتا گیا۔ گل ایس طرح اے کہ ہن عمران خان دا امتحان شروع ہو چکیا اے کہ سیاست ختم ہو گئی یاں ہن شروع ہووے گی عمل تے ردعمل دا قنون وی اپنی تھاں پر قنون دے حوالے نال ہن عدالتاں دا رول وی تے ہووے گا۔ انج لگدا اے کہ عمران ایس نتیجے توں چنگی طرح باخبر سن تے اوہ سیاسی پریشر ودھا رہے سن پر ایتھے گل بنا لئی گئی۔ ظاہر اے پی ٹی آئی اے ایہ فیصلہ چیلنج کرن جا رہی اے تے اوہ پرامید نیں کہ ایہ سزا معطل ہو جاوے گی شاید ایہ اوناں ای سوکھا ہووے اوس ویلے تے یقین جیہا ہون لگا سی جدوں شاہ محمود قریشی ایس حوالے نال فرما رہے سن اوہ بڑے زیرک سیاستدان نیں تے اوہ ایس آن والے نتیجے توں باخبر سن تے اک عرصے توں اوہناں دے حوالے نال لکھن پڑھن والیاں دی اک رائے بن چکی اے کہ جدوں وی خان صاحب ایدھر اودھر ہوئے تے شاید صاحب ای رہ جان گے۔
چراغ آخر شب اس قدر اداس نہ ہو
تمہارے بعد اندھیرا نہیں اجالا ہے
تصرف وچ جان بجھ کے گیا ظہیرکاشمیری نے لکھیا سی ن لیگ والے پتہ نہیں کیوں خوشیاں منا رہے نیں اوہناں دی کارکردگی تے اوہناں نوں شرمندہ ہونا چاہیدا اے۔ انج وی اجے کھیڈ ختم نہیں ہویا سگوں شروع ہویا اے میں پی ٹی آئی دی سپورٹ نہیں کر رہیا حقیقت بیان کر رہیا واں۔ پر ن لیگ لئی اک آسودگی ایس گل تے ضرور اے کہ فیٹف نے پاکستان نوں گرے لسٹ چوں کڈھ دتا اے کفر ٹوٹا خدا خدا کرکے۔ ظاہر اے کدوں توں ایہدا انتظار سی تے پاکستان نوں ترسایا جا رہیا سی ہن عالمی سطح تے ملکی ساکھ تے وقار بحال ہویا اے۔ وزیراعظم نے قوم نوں مبارکباد دتی اے پاکستان نے 35 سفارشات تے عمل کیتا اے پر مانیٹرنگ جاری رہوے گی یعنی اپنے آپ نوں آزاد مت سمجھ لینا سگوں کارکردگی دکھائو تے عالمی غنڈیاں نوں خوش رکھو اسیں وی کیہ آں بس۔ معاملات وگڑدے نظر آ رہے نیں کہ رانا ثناء اللہ نے عمران خان دے خلاف فوجداری مقدمہ درج کرن دا اعلان کیتا اے ظاہر اے سرخ رومال دکھان دے مترادف اے یاں فیر ایہ تکنیک اے کہ دشمن نوں سنبھلن دا موقع نہ دتا جاوے۔ پی ٹی آئی والیاں نوں سخت مزاحمت دا سامنا کرنا پوے گا تے ایہ ساری اعصاب دی جنگ وی اے۔ دن چھوٹے ہوندے جا رہے نیں تے راتاں لمیاں۔ بہرحال کئی دلچسپ پوسٹاں وی لگ رہیاں نیں ساڈے ستار چوہدری صاحب فرماندے نیں کہ عمران خان صاحب موجودہ اسمبلی دی مدت توں نااہل ہوئے نیں جہنوں اوہ پہلے ای دھتکار چکے نیں کوئی گل نہیں۔ ہور تے ہور عثمان ڈار فرما رہے نیں کہ عمران خان دی نااہلی ساڈے لئی سرپرائز نہیں۔ اوہ اکثر سیالکوٹی لہجے وچ بولدے نیں۔ عبیرابوذری یاد آئے۔ پراں سے پراں پراں اور بھی ہیں۔ کوئی محترم سراج الحق دی گل وی سن لوے کہ عمران دی نااہلی تریخی سبق اے تے سیاسی بحران دا حل صرف ڈائیلاگ ایہ بڑی گہری گل اے کہ سیاستدان اکٹھے مل کے نہیں بیٹھن گے تے اک دوجے دی نااہلی تے کچھاں ماردے رہن گے انج ایہ نااہل تے ہے نیں کیہ خیال اک گل تے طے اے کہ توشہ خانہ توں کون مستفید نہیں ہویا؟ کیہ ایہ تماشا نہیں کہ جدوں تبدیلی آنی ہوندی اے تے بس اک بہانہ ای بن دا اے یاں بنا لیا جاندا اے۔ ہارون رشید صاحب نے ٹھیک کہیا کہ کیہ توشہ خانہ وچ صرف اک گھڑی سی۔ ایویں ای اپنے مرحوم دوست ریاض الرحمن ساغر دا اک شعر یاد آ گیا جو اک نغمے دا مکھڑا وی سی تسیں ایہنوں ساڈے حالات دے تناظر وچ ویکھو۔
کس منہ سے تیرا نام لوں دنیا کے سامنے
آئے گا کون ریت کی دیوار تھامنے
گل گہری اے کہ حالات نوں سنبھلن والے ہن آپ سنبھلن دی کوشش وچ مصروف نیں میں تے بتیری واری لکھ چکیا واں کہ نوازشریف جے اپنے آپ نوں پاکستان دا خیرخواہ جان دے نیں تے فیر اوہ سب کجھ ایس مٹی نال جوڑن اپنی عیداں شبراتاں ایتھے منان لیڈر بہادر ہوندا اے تے اپنے لوکاں دے وچکار زندگی گزاردا اے ایسے حوالے نال میں عمران خان دے چنگے یاں برے ہون دا کجھ نہیں کہہ سکدا پر اوہ اپنے چاہن والیاں دے درمیان وچ تے ہے جاویدقاسم دا اک شعر:
سحر کو ایسے شب غم میں معتبر رکھا
دیے کا نام بھی سورج کے نام پر رکھا