اج تے سرکارۖ داجشن میلاد اے

عبدالحمید نظامی

سوہنے منٹھار دا سارے ذکر کرو اَج تے سرکار دا جشنِ میلاد اے
نغمے صلِ اعلیٰ دے سارے پڑھو اَج تے اَج تے سرکار دا جشنِ میلاد اے
نوری نوری سماں ویکھ لو چار سو
وَسدی رب دی رحمت پئی کو بُکو
در کُھلا جے اپنے دامن بھرو اَج تے سرکار دا جشنِ میلاد اے
بُلبلاں قمریاں رنگ نکھارن پیاں
نام سوہنے دا موہنوں پکارن پیاں
ڈبدیو نام سوہنے دا لے کے ترو اَج تے سرکار دا جشنِ میلاد اے
موتی انوار دے جگ تے وسدے پئے
غمزدہ عاصی چن چن کے ہسدے پئے
جھولی پھیلاکے بیٹھو شیشہ گرو اَج تے سرکار دا جشنِ میلاد اے
رب دے فرمان تے مُک ہنیرے گئے
اوہدے نور تھیں چمک سویرے گئے
حکم ہویا آتش کدو ہن ٹھرو اَج تے سرکار دا جشنِ میلاد اے
بولو اَج بے زبانوں حکم تھیں میرے
سُتے بھاگ نظامی جاگے تیرے
اڈو نال خشی دے اَج بے پرو اَج تے سرکار دا جشنِ میلاد اے