خان صاحب اُتے آنچ نہیں آن دیاں گے:حملہ آورنوں پھڑن والاپی ٹی آئی کارکن پُرعزم

وزیرآباد( پنجابی میڈیا گروپ)لانگ مارچ دے دوران کنٹینر اُتے فائرنگ کرن والے مسلح شخص نوں پھڑن والے پاکستان تحریک انصاف دے کارکن ابتسام نے آکھیا اے کہ خان صاحب جَد تک زندہ اے تہاڈے اُتے آنچ نہیں آن دیاں گے۔وزیرآباد وچ میڈیا نال گل بات کردیاں ہویاں پی ٹی آئی کارکن دا کہنا سی کہ پہلاں اُس نے فائرنگ کنٹینر اُتے کیتی،میرے خیال وچ اوس دی پسٹل آٹو سی،جَد میں اوس نوںپھڑیا تے اوس توں پہلاں اک شخص نوں گولی لگ گئی سی،مینوںاگر لگ جاندی تے کوئی گل نہیں سی، میں خان صاحب دے نال بائی پاس توں پیدل آرہیا ساں،جَد میں نے مسلح شخص نوں یکھیا تے اوس دے ہتھ وچ پسٹل سی،تے میں نٹھ کے اوس نوںپھڑ لیا،اوس نے فائرکردتا سی،میری جان جاندی اے تے جائے عمران خان اُتے آنچ نہیں آن دیاں گے، خان صاحب دی صحت یابی لئی دعا گوہاں۔