پنجاب حکومت تحقیقات لئی جے آئی ٹی تشکیل دے دتی:رانا ثنا اللہ
اسلام آباد(پنجابی میڈیا گروپ)وفاقی وزیر داخلہ رانا ثنااللہ آکھیا کہ پنجاب حکومت پاکستان تحریک انصاف (پی ٹی آئی)دے چیئرمین تے سابق وزیراعظم عمران خان اُتے قاتلانہ حملے دی تحقیقات لئی سانجھی تحقیقاتی کمیٹی (جے آئی ٹی) تشکیل دیوے۔وفاقی وزیر اطلاعات و نشریات مریم اورنگزیب دے ہمراہ پریس کانفرنس کردیاں ہویاں وفاقی وزیر داخلہ رانا ثنا اللہ نے آکھیا اے کہ عمران خان اُتے حملے دی تحقیقات لئی حکومت پنجاب جے آئی ٹی تشکیل دیوے،وفاقی حکومت نے فیصلہ کیتا اے کہ حکومت پنجاب توں آکھیا جائے گا کہ پی ٹی آئی چیئرمین عمران خان اُتے حملے دی تحقیقات لئی سینئر افسراںاُتے مشتمل جے آئی ٹی تشکیل دتی جائے۔
