لانگ مارچ ملتوی:3لوکاں دے استعفے تک ملک گیر احتجاج جاری رہے گا،عمران خان

اسلام آباد( پنجابی میڈیا)چیئرمین پی ٹی آئی عمران خان نے قاتلانہ حملے وچ زخمی ہون توں بعد پہلاں ویڈیو پیغام وچ آکھیا اے کہ اینہاں لوکاں نے وزیر آباد یا گجرات وچ مینوں توہین رسالت دے الزام اُتے سلمان تاثیر ونگوں قتل کرن دا منصوبہ بنایا مگر اللہ نے محفوظ رکھیا، ٹھیک ہُندیاں ہی دوبارہ لانگ مارچ دی کال دیاں گا البتہ3لوکاں دا استعفی آن تک ملک گیر احتجاج جاری رہے گا۔اپنے ویڈیو خطاب دے دوران اوہناں نے آکھیاکہ مینوں4گولیاں لگیاں نیں،جیہڑاحملہ کیتا گیا اوس دی تفصیل بعد وچ دساں گا،ملک وچ اسٹیبلشمنٹ نوں عادت ہوگئی سی کہ سازش تحت تبدیلی لیائی جائے لیکن ایس وار قوم نے اوہناں داساتھ دین توں انکارکردتا۔