ماں بولی دا سُچا کاما

پیر فقیر ویر سپاہی

جیوے میرا پیر بخاری
شاعر ادیب مہان لکھاری
پنجابی دا اچ سرمایہ
وچ پنجابی فیض ہے جاری
ہولا ہویا پھُل دے وانگوں
چکی پنڈ فقر دی بھاری
رنداں دا میخانہ بنیا
جس حجرے وچ عمر گذاری
آوندے رہندے فقر دے مانی
چلدی رہندی ڈیرے داری
وچ پنجاب مدثر بٹ دی
منی جاندی پتر کاری
پنجابی اخبار بھلیکھا
جہدی پنجابی وچ سرداری
ماں بولی دا سُچا کاما
جس اج تک نہیں ہمت ہاری
پنجابی تحریک دے آگو
جنہاں سچی سوچ وچاری
زاہد جی، الیاس گھمن تے
نال ندیماں دی دلداری
پیر فقیر دے اسن اُتے
جھکدی رہندی دنیا ساری
سدا حیاتی مانو سجنو
قیم رکھے رب سرداری
وسے نگری وارث شاہ دی
لکھی اے جس نے ہیر پیاری
ماں بولی دی شان اُچیری
وِیر پنجاب دی رہتل نیاری