موسمیاتی تبدیلی دا بھارمنصفانہ طور اُتے ونڈیا جاناچاہیدا اے،وزیراعظم شہباز شریف

اسلام آباد( پنجابی میڈیا)وزیراعظم شہباز شریف نے آکھیا اے کہ موسمیاتی تبدیلی دا بھار برابری دی بنیاداُتے نہیں منصفانہ طوراُتے ونڈھیا جانا چاہیدا اے،ایہ موسمیاتی انصاف دا معاملہ اے، موسمیاتی تبدیلی دے اثرات سب توں ودھ کمزور طبقے اُتے پیندے نیں۔ایہہ گلاں اوہناں نے ناروے دے وزیراعظم جوناس گہرسٹور دے ہمراہ موسمیاتی تبدیلی تے کمزور کمیونٹیاں دی مضبوطی دے موضوع اُتے کانفرنس دی سانجھی صدارت کردیاں ہوئے کیتیاں۔وزیراعظم نے آکھیا کہ اسیں سارے ایس گل اُتے متفق ہاں کہ موسمیاتی تبدیلی ایس دہائی دا اہم بحران اے تے اسیںایس دے خلاف اپنی اجتماعی لڑائی دے تریخی لمحے وچ ہاں۔ ساڈے کول خاص طوراُتے اینج دے ملکاں تے کمیونٹیاں جیہڑیاں انتہائی خطرے توں دوچار نیں،لئی کوئی دُوجا کرہ ارض نہیں اے۔