پنجابی ادبی ویہڑا ولوں علامہ اقبال دی یاد وچ مشاعرہ
ادبی،ثقافتی تے سماجی تنظیم پنجابی ادبی ویہڑا تحصیل کوٹ رادھاکشن دی چھتر چھاویں ڈاکٹر علامہ محمد اقبال دی یاد وچ سرکڈویں پنجابی شاعر ملک ارشاد دی پردھانگی ہیٹھ امرتسری ہال اندر اک مشاعرے دا پربندھ کیتا گیا،جہدے وچ ملک ارشاد،صابر علی میراں،ملک عبدالعزیز انجم تے حکیم عرفان سہیل نے اپنا اپنا کلام سنا کے چوکھی شاواشے لئی۔ایہناں توں اَڈ اس سمے جہناں اپنے اپنے وچار سانجھے کیتے اوہناں وچ ملک محمد یوسف انور،لالا شبیر احمد سندھو،پروفیسر اصغر صدیق،اعجاز الحسن آرائیں،اظہر صدیق انصاری،وقار عظیم ادیب، چودھری اعظم پپن،سلیم سندھو،وقاص ساحل تے یاسر شوکت بھٹی رلتی سن۔اخیر وچ علامہ اقبال دی بخشش تے پاکستان دی سلامتی لئی دعا وی کیتی گئی۔
