حاجی مہر محمد ریاض سیال دی یاد اچ تریجھا پنجابی مشاعرہ
لیانہ وچ تریجھا پنجابی مشاعرہ بیاد شہنشاہ پنجابی ادب استادالشعرا حاجی مہر محمد ریاض سیال مرحوم انہاندے شاگر محمد رفیق حیدری سلطانی جسرا دے آہر نال وچہن ادبی قبیلہ جھنگ دے سر پرست جناب غلام حیدر تاج ہوراں دی نگرانی وچ ہویا۔مرحوم مہر محمد ریاض سیال دے وڈے پتر مہر ظفر اقبال سیال تے بھتیجے مہر محمد مشتاق سیال اچیچے پراہنے ہن۔نظامت تے میزبانی دا فرض محمد رفیق حیدری سلطانی جسرا ہوراں نبھایا۔تلاوت قرآن مجید توں جناب حافظ محمد لطیف اسد قادری ہوراں مڈھ بدھا۔جناب قاری غلام شبیر سلطانی ہوراں مرحوم دی لکھی ہوئی نعت۔ ”میرا تے اوس ذات دا رشتہ ،کاسے تے خیرات دا رشتہ پڑھی”۔
جنہاں شاعراں اپنا اپنا کلام پڑھیا انہاں وچ جناب پروفیسر بشارت حسین وقار پوسٹ گریجوایٹ کالج جھنگ،جناب غلام حیدر تاج ،چنیوٹ توں جناب مزمل حسین ناطق بلوچ ، جناب محمد اکرم بیتاب ،جناب محمد عثمان خاکی ،شاہنگڈر توں جناب محمد عبدالقادر
شہزاد اعوان،سلانوالی توں جناب رائے نصراللہ ناصر بھٹی ،جناب چوہدری محمد وارث سلطانی ،جناب چوہدری محمد اقبال چدھڑ ، جناب مہر غلام فرید حسنین سیال ، جناب مہر قیصر عباس رئیس چچکانہ ،جناب مخدوم سجاد حسین سجاد قریشی ،جناب مہر الطاف اویس میانہ ،جناب مہر محمد صدیق سیال ،جناب مہر غلام علی شہزاد للیانہ سیال ،جناب مجاہد عباس سوداگر ،جناب آصف نواز اداس تے جناب عاقل رزاق عاقل شامل ہن۔لوگاں دی وڈی تعداد رلت کیتی۔ چھیکڑ اچ مرحوم مہر ریاض سیال ہوراں دی بخشش واسطے دعا منگی گئی۔
