عمران خان دی رہائشگاہ دی سکیورٹی ہائی الرٹ

لہور(پنجابی میڈیا) پاکستان تحریک انصاف دے چیئرمین عمران خان دی لہور وچ رہائشگاہ زمان پارک دی سکیورٹی ہائی الرٹ کردتی گئی، رہائش گاہ دے آسے پاسے سکیورٹی دے خفیہ آلات نصب کر دتے گئے جدکہ پارٹی رہنماواں دی آمد وی دتی گئی لسٹ نال مشروط کردتی گئی ۔نجی ٹی وی دے مطابق اسپیشل برانچ دی عمران خان اُتے اک ہور حملے دی رپورٹ توں بعد زمان پارک دی سکیورٹی ہائی الرٹ کردتی گئی۔زمان پارک وچ معمول توں ہٹ کے پلس دی وَدھ نفری تعینات کردتی گئی جدکہ رہائشگاہ دے باہر اسپیشل برانچ تے پلس دے حکام وی موجود نیں۔اسپیشل برانچ نے رپورٹ دتی سی کہ عمران خان اُتے اک ہور حملہ ہوسکدا اے ، جس دے پیش نظر کسی وی غیر متعلقہ گڈی تے فرد نوں عمران خان دی رہائشگاہ جان اُتے سختی توں پابندی اے۔