کسے جج یاں وکیل دی جاسوسی نہیں ہوئی تے نہ ہووے گی: فروغ نسیم

اسلام آباد: وفاقی وزیر قنون بیرسٹر فروغ نسیم دا کہنا اے کسے جج یاں وکیل دی کوئی جاسوسی نہیں ہوئی، نہ ہو رہی اے تے نہ ہووے گی۔ اسلام آباد وچ وکیلاں دی تقریب نال خطاب دے دوران بیرسٹر فروغ نسیم دا کہنا سے اسلام آباد ہائی کورٹ وچ ججاں دی تعداد گھٹ توں گھٹ 15ہونی چاہیدی اے، اسلام آباد بار کونسل دا سیکرٹریٹ سپریم کورٹ دے قریب ریڈ زون وچ ہونا چاہیدا اے، اسلام آباد ہائی کورٹ ایسے ورھے شاہراہ دستور تے نویں عمارت وچ منتقل ہو جاوے گی۔

بیرسٹر فروغ نسیم دا کہنا سی انگریزاں دے جہڑے سوا سو ورھے پرانے قنون تے اسیں چل رہے آں اوہ آپ ایہدے وچ کنی واری ترامیم کر چکے نیں، سارے ججاں دی تعیناتیاں کوٹہ سسٹم دے بجائے صرف میرٹ تے ہونی چاہیدیاں نیں، صوبائی تعصب نوں ختم ہونا چاہیدا اے، پنجاب وچ ایہ تعصب ختم ہو چکیا اے، لہور ہائی کورٹ دا جج جے کراچی شفٹ ہووے تے ایہنوں سندھ ہائی کورٹ وچ گھلیا جا سکے۔