نعت شریف
علی احمد گجراتی
بظاہر جو نظر آوے زمانے نوں چٹائی تے
سکونت عرش تے اُس دی حکومت کل خدائی تے
جِدی راہ وِچ کھڑے سارے نبیۖ تعظیم دی خاطر
فرشتے ناز کردے نیں اوہدے دَر دی گدائی تے
میں دِل اپنے نوں ہر لمحہ ایہو پکیاں پکایاں نیں
رہویں روندا دِنے راتی مدینے دی جُدائی تے
ایہو سیرت محمدۖ دی ایہو آل محمدۖ دی
کوئی وی حرف ناں آوے خدا دی کِبریائی تے
زمانہ جان لئے احمد طہارت آلِ اطہر دی
خدا نیں آئیتاں گھلیاں انہاں دی پار سائی تے
کمایا کجھ وی نہیں احمد سوائے نعتِ سرورۖ دے
حیاتی مطمئن رہی سدا ایسی کمائی تے
