صرف و صرف شفاف الیکشن چاہندے ہاں: عمران خان
لہور( پنجابی میڈیا گروپ)پاکستان تحریک انصاف دے چیئرمین تے سابق وزیراعظم عمران خان نے آکھیا اے کہ صرف و صرف صاف الیکشن چاہندے ہاں،آزادی دی منزل زیادہ دور نہیں۔زمان پارک وچ سابق وزیراعظم دی زیر صدارت غیر رسمی مشاورتی اجلاس ہویا، اجلاس وچ صوبائی وزیر پارلیمانی امور راجہ بشارت تے مشیر داخلہ پنجاب عمر سرفراز چیمہ سنے ہوراں رہنماواں نے رَلت کیتی۔اجلاس دے دوران پی ٹی آئی دے حقیقی آزادی مارچ دے جلسیاں دے حوالے نال تفصیلی بریفنگ دتی گئی تے وزیر آباد وچ ہون والے حملے بارے پی ٹی آئی چیئر مین نال رہنماواں نے جوائنٹ انویسٹی گیشن ٹیم (جے آئی ٹی)دے حوالے نال مشاورت کیتی ۔ایس موقع اُتے خطاب کردیاں ہویاں عمران خان نے آکھیا کہ تحریک انصاف صرف و صرف صاف شفاف الیکشن چاہندی اے، حقیقی آزادی دی منزل ہُن زیادہ دور نہیں۔
