دورِحاضر دی ووہٹی

اسماء بتول

مینوں تے ایہہ سمجھ ای نہیں آندی کہ ایس زوال دی وجہ کیہ اے۔ کُڑیاں نوں کوئی سمجھان والا نہیں رہ گیا۔ کیہ نہ والدین نہ خاندان؟ سارے تماش بین بن گئے؟ ہر ویلے دے اپنے تقاضے تے خوبصورتی اے۔ ووہٹی بنی کڑیاں ایس قدر بُریاں لگدیاں نیں نچدی ہوئی جہدی کوئی حد نہیں… کیہ واقعی تہانوں اج تک کسے نے نہیں دَسیا’ نہیں سمجھایا کہ ووہٹی بنن دے کیہ تقاضے نیں؟ نہ کڈو گھونگٹ’ نہ نظراں جھکائو مگر چہرے اتے حیا تے ہووے۔ ووہٹی اتے روپ ای اوہدی شرماہٹ پاروں آندا اے۔ ایہہ روپ ای تے ہے جہڑا ووہٹی نوں عام کڑیاں توں وکھرا تے بہت چارم فل بناندا اے۔ عجیب گندا رواج پتہ نہیں شروع کتھوں ہویا۔ لاڑے ووہٹی دے بوسے تے ووہٹی دا پنڈال وچ نچدے ہوئے آنا۔ پہلے ووہٹی سہیلیاں دے نال آندی سی فیر رواج بدلیا بھرا نال آن لگی ۔ ایہہ سب چنگا سی نچنا کیوں شروع کردتا آخر؟ تے تقریب دے دوران لاڑے ووہٹی دے بوسے ویکھ کے تے لگدا اے اوہناں کولوں پچھیا جاوے کہ ایہہ ماں پیو کرائے دے نیں جہڑے صرف تماش بینی کر رہے نیں؟۔ تہانوں صحیح غلط دس رہے نیں نہ ایس بے باکی اتے خود شرمندہ ہو رہے نیں۔ منفرد نظر آن دی کوئی حد وی تے ہووے۔ پڑوسی ملک وچ وی وڈی وڈی سپرسٹار ہیروئناں اپنے ویاہ اتے انج دا ناچ گانا نہیں کردیاں جہڑا ساڈے ملک وچ شروع ہو چکیا اے۔ عام عام درمیانے درجے دیاں ہیروئناں تے ٹک ٹاکراں اپنے ویاہ اتے اوہ اوہ اوچھا پن کر رہیاں نیں جہدی کوئی مثال نہیں ملدی۔ اک اک مہینے ڈھولکیاں’ برائڈل شاور’ مایوں’ مہندی’ شادی’ ولیمہ سب تے دل بھر کے نچن مگروں ویارہ چار دن نہیں چلا سکدیاں۔ کئی سالاں دے ریلیشن شپ تے فیر مہینہ بھر دی ڈانس پریکٹساں تے مہینے بھر دے فنکشن اتے خوب شور مچان مگروں اوہناں نوں خیال آندا اے کہ مینوں تے گھر چلان والی کڑی چاہیدی اے تے کڑیاں نوں کیرئیر نوں فوقیت دینی اے۔
حیرت اے ایہہ بنیادی گلاں تسیں طے نہیں کیتیاں تے کیہ کیتا؟ افسوس دا مقام ایہہ ہے کہ ایس انھی تقلید دے تحت ساڈے آسے پاسے وی مہندیاں مایوں اتے ووہٹیاں دا نچنا عام ہو گیا اے۔ ایہہ روپ ای تے ہے جہڑا ووہٹی نوں عام کڑیاں توں وکھرا تے بہت چارم فل بناندا اے۔ عجیب گندا رواج پتہ نہیں شروع کتھوں ہویا۔ لاڑے ووہٹی دے بوسے تے ووہٹی دا پنڈال وچ نچدے ہوئے آنا۔ پہلے ووہٹی سہیلیاں دے نال آندی سی فیر رواج بدلیا بھرا نال آن لگی ۔ ایہہ سب چنگا سی نچنا کیوں شروع کردتا آخر؟ تے تقریب دے دوران لاڑے ووہٹی دے بوسے ویکھ کے تے لگدا اے اوہناں کولوں پچھیا جاوے کہ ایہہ ماں پیو کرائے دے نیں جہڑے صرف تماش بینی کر رہے نیں؟۔ تہانوں صحیح غلط دس رہے نیں نہ ایس بے باکی اتے خود شرمندہ ہو رہے نیں۔ منفرد نظر آن دی کوئی حد وی تے ہووے۔ پڑوسی ملک وچ وی وڈی وڈی سپرسٹار ہیروئناں اپنے ویاہ اتے انج دا ناچ گانا نہیں کردیاں جہڑا ساڈے ملک وچ شروع ہو چکیا اے۔ ویاہ اتے نچدی ہوئی ووہٹی دی انٹری دا دیدار وی چھیتی کسے نودولتی دے گھر دی شادی وچ ہو جاوے گا۔ برائیڈل شاور تے مقبول عام ہو گیا۔ ویاہ اک گھر دی بنیاد اے۔ اک گھرانے دی تشکیل اوہنوں ایہناں خرافات توں پاک کر کے انجوائے کرو۔ اک منڈے دی تربیت اک فرد دی تربیت ہوندی اے تے اک کڑی دی تربیت پورے خاندان دی تربیت ہوندی اے۔ میرا مقصد صرف اصلاح کرنا اے پیاری بھیناں’ ساری کڑیاں مستقبل دیاں ماواں نیں تے میری کوشش ہوندی اے کہ تہاڈی تربیت چنگے طریقے نال کیتی جاوے۔ چنگے انداز نال تہاڈی اصلاح کیتی جاوے تاں جے تسیں اپنی زندگی گزارو چنگی ماں بن کے۔ میری کوشش ہوندی اے کہ میں ہر اوس موضوع اتے لکھاںجہڑا میں پڑھیا اے تے اوہنوں سمجھاں۔ ہر طرح دی دینی پوسٹ تہانوں وکھاواں تاں جے تسیں اپنا گھر چنگے انداز وچ چنگے طریقے نال سنبھال سکو۔