نعت شریف
علی احمد گجراتی
جنابِ آمنہ جایا شرف سارے زمانے دا
غریباں دے لئی سایا شرف سارے زمانے دا
محمدۖ نال نسبت ہے خدیجہ پاک دی ایسی
ہے وَر ایہ سیّدہ پایا شرف سارے زمانے دا
ابو طالب تیرے ہتھاں توں ایہ دارین واراں میں
تیرے ہتھاں نیں ہے چایا شرف سارے زمانے دا
جہدے وِچوں خدا پنا کرے اظہار دُنیا تے
ہے عبداللہ دا سرمایا شرف سارے زمانے دا
ترٹے ہوئے دِلاں احمد بڑی تسکین پائی اے
ہے بن کے آسرا آیا شرف سارے زمانے دا
