ہجر چ ہوکیاں ہانواں نال
عبدالحمید نظامی
ہجر چ ہوکیاں ہانواں نال
نعتاں لکھناں ساہواں نال
تیرے آون دا پُچھناواں
گلاں کرناں کانواں نال
تیریاں گلاں دس دے نے
چُوریاں پانواں چانواں نال
سوہنا کتھے ٹُریا سی
گلاں میریاں راہواں نال
راہی ٹر پئے طیبہ نوں
آکھو تے میں آواں نال
آقاۖ سوہنیاں جالیاں نوں
میں وی سِینے لاواں نال
سَدّا آوے اک واری
گلاں ہون ہواواں نال
کٹھیاں طیبہ نوں جائیے
ٹریئے فیر صلاحواں نال
حیلہ تے بن جاوے گا
جیکر ہون دعاواں نال
اَن ہونے کم ہوجاسن
تیریاں سب رضاواں نال
بیڑی ہن نظامی دی
بنے لا ملاحواں نال
