مومن دی دعا

رابعہ رحمان

اے اللہ! محمدۖ تے اوہناں دی آل اتے رحمت نازل فرما تے اوہناں دی گنتی ودھا دے۔ اوہناں دے ہتھیاراں نوں تیز کر دے۔ اوہناں دے حدود اطراف تے مرکزی مقامات دی حفاظت تے نگہداشت کر۔اوہناں دی جمعیت وچ اتحاد ویکجہتی پیدا کر’ اوہناں دے امور دی درستی فرما۔ رسد رسانی دے ذرائع مسلسل قائم رکھ۔ اوہناں دی مشکلاں دے حل کرن دا ذمہ لووے۔ اوہناں دے بازو مضبوط کر۔ صبر دے ذریعہ اوہناں دی اعانت فرما تے دشمن کولوں لکی تدبیراں وچ اوہناں نوں تیز نظر عطا فرما تے جہڑی گل دا علم نہیں رکھدے اوہ اوہناں نوں دَس دے تے جہڑی چیز دی بصیرت اوہناں نوں نہیں اے اوہ اوہناں نوں سمجھا دے۔ دشمن نال مدمقابل ہوندے ویلے غدار تے فریب کار دنیا دی یاد اوہناں دے ذہناں توں مٹا دے تے گمراہ کرن والے مال دے اندیشے اوہناں دے دِلوں کڈ دے تے جنت نوں اوہناں دی نظراں دے سامنے کر دے۔ تے جہڑے دائمی قیام گاہواں عزت و شرف دی منزلاں تے (پانی’ ددھ’ شراب تے صاف و شفاف شہد دی) وَگدیاں نہراں تے طرحاں طرحاں دے پھلاں (دے بار توں) جھکے ہوئے اشجا راوتھے فراہم کیتے نیں اوہناں نوں دکھا دے تاں جے اوہناں وچوں کوئی پٹھ پھیرن دا ارادہ تے اپنے حریف دے سامنے نسن دا خیال نہ کرے۔ اے اللہ! ایس ذریعے توں اوہناں دے دشمناں دے حربے کند تے اوہناں نوں بے دست و پا کر دے تے اوہناں دے ہتھیاراں وچ تفرقہ پا دے تے اوہناں دے رگ دل دی طناباں توڑ دے تے اوہناں دے مقصد توں اوہناں نوں بے راہ کر دے۔ اوہناں دی کمک دا سلسلہ قطع کر دے اوہناں دی گنتی گھٹ کر دے۔ اوہناں دے دِلاں وچ دہشت بھر دے۔ اوہناں دی دراز دستیاں نوں تازہ کردے۔ اوہناں دی زباناں وچ گرہ لا دے کہ بول نہ سکن تے اوہناں نوں سزا دے کے اوہناں دے نال نال اوہناں لوکاں نوں وی تتر بتر کر دے جہڑے اوہناں دے پس پشت نیں تے پس پشت والیاں نوں ایسی شکست دے کہ اوہناں نوں عبرت حاصل ہووے تے اوہناں دی ہزیمت تے رسوائی توں اوہناں دے پچھے والیاں دے حوصلے توڑ دے۔ اہل اسلام دی تدبیراں نوں مضبوط’ اوہناں دے شہراں نوں محفوظ تے اوہناں دی دولت تے ثروت نوں بوہتا کر دے تے اوہناں نوں عبادت تے خلوت گزینی لئی جنگ وجدال تے لڑائی جھگڑے توں فارغ کردے تاں جے روئے زمین اتے تیرے علاوہ کسے دی پرستش نہ ہووے تے تیرے سوا کسے دے اگے خاک اتے پیشانی نہ رکھی جاوے۔ اے اللہ! تو مسلماناں نوں اوہناں دے ہر علاقہ وچ برسر پیکار ہون والے مشرکاں اتے غلبہ دے تے صف در صف فرشتیاں دے ذریعے اوہناں دی امداد فرما تاں جے ایس خطہ زمین وچ اوہناں نوں قتل تے اسیر کردے ہوئے اوہدی آخری حدود تک پسپا کر دین یا ایہہ کہ اوہ اقرار کرن کہ اوہ خدا اے جہدے علاوہ کوئی معبود نہیں تے یکتا تے لاشریک اے۔ خدایا! دشمنان دین نوں وی ایس قتل و غارت دی لپیٹ وچ لے لے۔ اوہ ہندی ہون یا رومی’ ترکی ہون یا خزری’ حبشی ہون یا نوبی رنگی ہون یا صقلی تے دیلمی تے نیز اوہناں مشرک جماعتاں نوں جہناں دے نام تے صفات سانوں پتہ نہیں تے اپنے علم نال اوہناں اتے محیط تے اپنی قدرت توں اوہناں اتے مطلع اے۔ الجھا کے مسلماناں دے حدود مملکت اتے دست درازی توں باز رکھ تے اوہناں وچ کمی واقع کر کے مسلماناں وچ کمی کرن توں روک دیوے تے اوہناں وچ پھوٹ پوا کے اہل اسلام دے مقابلے وچ صف آرائی توں بٹھا دے۔ اے اللہ! اوہناں دے دِلاں نوں تسکین تے بے خوفی توں اوہناں دے جسماں نوں قوت تے توانائی نال خالی کر دے۔ اوہناں دی فکراں نوں تدبیر تے چارہ جوئی توں غافل تے مردان کارزار دے مقابلے وچ اوہناں دے دست و بازو نوں کمزور کر دے تے دلیران اسلام نال ٹکر لین وچ اوہناں نوں بزدل بنا دے تے اپنے عذاباں وچوں اک عذاب دے نال ایہناں اتے فرشتیاں دی سپاہ بھیج جیویںکہ توں بدر دے دن کیتا سی۔ ایسے طرحاں تے اوہناں دی جڑ بنیاداں وڈ دے۔ اوہناں دی شان و شوکت مٹا دے تے اوہناں دی جمعیت نوں پراگندہ کر دے۔ اے اللہ! اوہناں دے پانی وچ وبا تے اوہناں دے کھانیاں وچ امراض (دے جراثیم) دی آمیزشن کر دے۔ اوہناں دے شہراں نوں زمین وچ دھنسا دے۔ اوہناں دے شہراں نوں زمین وچ دھنسا دے۔ اوہناں نوں ہمیشہ دی بھک تے تکلیف دہ بیماریاں وچ مبتلا رکھ۔
بار الٰہی! تیرے دین و ملت والیاں وچوں جہڑا غازی اوہناں توں امادہ جنگ ہووے یا تیرے طریقہ دی پیروی کرن والیاں وچوں جو مجاہد قصد جہاد کرے ایس غرض نال کہ تیرا دین بلند’ تیرا گروہ قوی تر ہووے تے اوہدے لئی آسانیاں پیدا کر۔ تکمیل دا سامان فراہم کر۔ ایس کامیابی دا ذمہ لووے۔ اوہدے لئی بہترین ہمراہی انتخاب فرما۔ قومی تے مضبوط سوار دابندوبست کر۔ ضروریات پوری کرن لئی وسعت فراخی دے۔ دل جمعی تے نشاط خاطر توں بہرہ مند فرما۔ ایہدے اشتیاق(وطن) دا ولولہ ٹھنڈا کر دے۔ تنہائی دے غم دا اوہنوں احساس نہ ہون دے۔ زن و فرزندگی دی یاد اوہنوں بھلا دے۔ قصد خیر ول رہنمائی فرما۔ اوہدے بدلے عافیت داذمہ لے۔ سلامتی نوں اوہدا ساتھی قرار دے بزدلی نوں اوہدے کول نہ پھٹکن دے۔ اوہدے دل وچ جرات پیدا کر۔ زر تے قوت اوہنوں عطا فرما۔ اپنی مددگاری نال اوہنوں توانائی بخش۔ راہ روش (جہاد) دی تعلیم دے تے حکم وچ صحیح طریق کار دی ہدایت فرما۔ ریا تے نمود نوں ایہدے توں دور رکھ۔ ہوس’ شہرت دی کوئی آرزو نہ رہن دے۔ اوہدے ذکر تے فکر تے سفر قیام نوں اپنی راہ وچ تے اپنے لئی قرار دے تے جدوں اوہ تیرے دشمناں تے اپنے دشمناں نال مدمقابل ہووے تے اوہدی نظراں وچ اوہناں دی تعداد رکھ تے اوہناں وچ کمی واقع کر کے مسلماناں وچ کمی کرن توں روک دے تے اوہناں وچ پھٹ پوا کے اہل اسلام دے مقابلہ وچ صرف آرائی توں بٹھادے۔