کچن دی دنیا

خصوصی رپورٹ

شیواں:گوشت اک کلو’ چاول تن پیالی’ نمک حسب ذائقہ’ پسیا ہویا’ ادرک لہسن دو کھانے دے چمچے’ آلو ادھا کلو’پیاز تن عدد’ ٹماٹر تن عدد’ دہی اک پیالی’ پسی ہوئی لال مرچ اک کھانے دا چمچ
پسیا ہویا دھنیا دو کھانے دے چمچ’ سفید زیرہ (بھن کے کٹیا ہویا) اک کھانے دا چمچ’ ثابت گرم مصالحہ اک کھانے دا چمچ’ خشک آلو بخارے چھ توں اٹھ عدد’ ہری مرچاں چھ توں اٹھ عدد’ ہرا دھنیا اک گٹھی’ پودینہ ادھی گٹھی’ زردے دا رنگ ادھا چاہ دا چمچ’ ددھ ادھی پیالی’ کوکنگ آئل ادھی پیالی۔
ترکیب: آلو بخاریاں نوں دھو کے ادھی پیالی پانی وچ بھگو کے رکھ دیو۔ جدوں نرم ہو جان تے مل کے بیج کڈ لوو۔ پین وچ کوکنگ آئل نوں درمیانی آنچ اتے تن توں چار منٹ گرم کرو تے اوہدے وچ آلوواں نوں ڈھک کے سنہرا فرائی کر کے کڈ لوو۔ اوسے پین وچ ثابت گرم مصالحہ پا کے کڑکڑا لوو تے پیاز پا کے سنہری فرانئی کر لوو۔ ادھی پیاز وکھری کڈ لوو تے باقی پیاز وچ نمک’ ادرک لہسن لال مرچ’ دھنیا’ زیرہ’ دہی تے گوشت پا کے چنگی طرحاں رلا لوو۔ ڈھک کے ہلکی آنچ اتے پکن دیو۔ گوشت گلن تے آ جاوے تے فرائی کیتے ہوئے آلو’ ٹماٹر’ آلو بخارے دا پیسٹ’ بریک کٹیا ہویا دھنیا’ پودینہ تے ہری مرچاں پائو تے ڈھک کے ہلکی آنچ اتے رکھ دیو۔ آلو گل جان تے چلہے توں اتار لوو۔ چاولاں نوں 20منٹ پہلاں بھگو کے رکھو۔ فیر ابلدے ہوئے پانی وچ نمک دے نال ابال لوو۔ چھنی وچ پا کے چنگی طرحاں پانی نچوڑ لوو۔ وڈے سائز دے پین وچ اک توں دو کھانے دے چمچے کوکنگ آئل لا کے ادھے چاولاں نوں پھیلا کے رکھو۔ اوہناں دے اتے مصالحے والا گوشت رکھ کے اتوں باقی چاول پا دیو۔ ادھی پیالی ددھ وچ چٹکی بھر زردے دا رنگ ملا کے اوتوں چھڑک دین۔ ڈھک کے ہلکی آنچ اتے دس توں بارہ منٹ دم اتے رکھ دیو۔ کڈدے ہوئے احتیاط نال ایس طرحاں کڈو کہ چاول تے مصالحہ دی تہہ وکھری نظر آوے۔ گرم گرم بریانی سلاد’ رائتے تے آلوبخارے دی چٹنی نال پیش کرو۔

شیواں: گوشت (ثابت ٹکڑا) اک کلو’ ٹماٹر دو عدد’ تلی پیاز اک کپ’ تیل اک کپ ‘ ہری مرچ چھ عدد’ پودینہ ادھی گٹھی’ کچی پیاز 250گرام’دہی 250گرام’ ہلدی اک چاہ دا چمچ’ بھنیا زیرہ اک چاہ دا چمچ’ کالی مرچ اک چاہ دا چمچ’ پسی لال مرچ اک چاہ دا چمچ’ پسیا دھنیا دو چاہ دے چمچ’ نمک حسب ذائقہ
ترکیب: گوشت اتے دہی’ بھنیا زیرہ’ کالی مرچ’ پسی لال مرچ’ پسیا دھنیا’ ہلدی تے نمک لا کے دو گھنٹے لئی رکھ دیو۔ ہن تیل گرم کر کے اوہدے وچ کچا پیاز پائو’ نال ای مصالحہ لا کے گوشت شامل کر کے ہلکی آنچ اتے ڈھک کے پکائو۔ جدوں گوشت گل جاوے تے اوہنوں تھوڑا بھنو فیر اوہدے اتے تلی پیاز’ ٹماٹر’ ہری مرچ تے پودینہ پا کے پندرہ منٹ دم اتے رکھ دیو۔ اخیر وچ چلہا بند کر دیو۔ گلاوٹی بھنیا گوشت تیار اے۔

شیواں: جھینگے ادھا کلو’ لہسن دو چاہ دے چمچ’ تل دا تیل تن کھانے دے چمچ’ نمک ادھا چاہ دا چمچ’کالی مرچ اک چاہ دا چمج’ ہری پیاز اک پائو’ تل اک کھانے دا چمچ’ بریک کٹی ادرک اک کھانے دا چمچ’ سویا سوس دو کھانے دے چمچ’ شہد دو کھانے دے چمچ’ پسی لال مرچ اک چاہ دا چمچ’ہری مرچاں دو عدد’ لیموں (سلائس) دو عدد’ تیل دو کھانے دے چمچ
ترکیب: جھینگیاں وچ کالی مرچ تے تھورا نمک لا کے تیل وچ فرائی کر لوو۔ جدوں اوہ خشک ہو جاوے تے اک پیالے وچ لہسن’ بریک کٹی ادرک’ سویا ساس’ شہد تے پسی لال مرچ نوں مکس کرو۔ ہن اوہنوں جھینگیاں اتے پا کے اک منٹ پکائو۔ فیر اوہدے اتے لیموں دے سلائس’ ہری پیاز’ ہری مرچاں’ تل دا تیل تے تل چھڑک کے پنج منٹ دم اتے رکھو’ دم ہٹان تے کھانے لئی پیش کرو۔

شیواں: مچھی دے قتلے اک کلو’ نمک حسب ذائقہ’ لہسن دے جوئے دو توں تن عدد’ ثابت کالی مرچ ادھا چاہ دا چمچ’ مسٹرڈ پیسٹ ادھا چاہ دا چمچ’ سخت لیموں دو عدد’ میدہ حسب ضرورت’ ڈبل روٹی دا چورا ادھی پیالی’ تازہ پار سلے دو توں تن ڈنٹھل’ کوکنگ آئل حسب ضرورت۔
ترکیب: مچھی دے قتلیاں نوں صاف دھو کے خشک رک لوو تے اوہدے اتے مسٹرڈ پیسٹ مل دیو۔ اک پیالے وچ چار کھانے دے چمچ میدہ تے ڈبل روتی دا چورا پائو۔ اوہدے وچ نمک تے گدری پسی ہوئی کالی مرچ ملائو۔ مچھی دے قتلیاں نوں اوس مکسچر وچ چنگی طرحاں رول کر لوو تے کوکنگ آئل وچ فرائی کر لوو۔ اوہدا ساس بنان لئی چار کھانے دے چمچ کوکنگ آئل نوں ہلکا جیا گرم کرو تے اوہدے وچ اک چاہ دا چمچ لیموں دا چھلکا کش کر کے پائو۔ خشبو آن تے کچلیا ہویا لہسن پا کے ہلکا جیا فرائی کرو۔ فیر اوہدے وچ دو کھانے دے چمچ میدہ پا کے بھنو’ میدہ بھن جاوے تے اوہدے وچ دو توں تن کھانے دے چمچ لیموں دا رس تے تھوڑا جیا پانی پا کے ہلکا جیا گاڑھا ہون تک پکائو تے اخیر وچ اوہدے وچ بریک کٹیا ہویا پارسلے ملا لوو۔