ممتاز راشد لاہوری دی کتاب لاہوری ٹپے دی مکھ وکھالی

اردو تے پنجابی زبان دے منے پرمنے شاعر، ادیب، ناول نگار، کہانی کار تے کالم نگار محمد ممتاز راشد لاہوری جی دی اِکتویں کتاب لاہوری ٹپے دی مکھ وکھالی بیٹھک پنجابی یونین دے پربندھ ہیٹھ پنجاب ہائوس ایجوکیشنل ٹائون وحدت روڈ لہور ،زیرِ سرپرستی مدثر اقبال بٹ ہوئی ، جس دی صدارت پنجابی دے مہان شاعر، ادیب، دانشور تے نقاد جناب محمد عباس مرزا ہوراں کیتی،اچیچے پروہنیاں چ جناب مدثر اقبال بٹ چیف ایڈیٹر روزوار بھلیکھا تے بھلیکھا ٹی وی نال پنجابی یونین دے سربراہ مدثر اقبال بٹ،پنجابی ادبی سنگت دے سیکرٹری ،مہینہ وار ترسیل دے ایڈیٹر پنجابی سوجھوان مشتاق قمر ، پنجابی زبان دے مہان شاعر، حضوری باغ مشاعریاں دی پچھان عدل منہاس لاہوری تے بوہت سارِیاں کتاباں دے لکھاری،شاعر،نقاد تے ماہرِ تعلیم پروفیسر شفقت رسول مرزا سن جد کہ انیس احمد نے تقریب دی نظامت کیتی،پروگرام دا آرنبھ تلاوت نال نواب برکات محمود خان ہوراں کیتا تے نبی جی دے دربار وچہ وحید ناز تے عقیل اکرم قادری ہوراں نعت دی راہِیں حاضری لوائی۔
محمد ممتاز راشد لاہوری جی دی کتاب لاہوری ٹپے تے گل دا ارنبھ کردیاں انیس احمد نے آکھیا کہ ایہہ لاہوری جی دی اِکتویں کتاب اے ایس توں پہلا انہاں نے اردو پنجابی شاعری،کہانیاں ، ناول ،افسانے، مزاحیہ شاعری،پاکستانی پرانے گیتاں بارے کتاب، لاہوری بولیاں تے ہن لاہوری ٹپے دا پراگا چھاپیا اے ۔لاہوری جی میرے گواہنڈی نیں تے بوہتا میل جول رہندا اے ،انہاں نال لمے سفر دا وی موقع ملدا اے تے کسے بندے دی پچھان لمے سفر وچ چنگی طرحاں ہوندی اے،ایہہ ادب دے سیوک نیں اِک واری کرامت بخاری ہوراں دے آدر وِچ انہاں نے اپنی تنظیم اِدارہ خیال و فن پاکستان تے قطر دی چھتر چھاویں اک پروگرام دا پربندھ کیتا ،اس دن اِنہاں دی بیگم دے دل دا سٹنٹ پینا سی ،انہاںنے ا کھیا کہ یار میں پروگرام شروع کرا کے ٹر جاواں گا توں پروگرام چلا لئیں، فیر اِک فون آیا تے انہاں نے آکھیا کہ پتر دی کال سی کہ تسیں اپنا پروگرام کر لئو میں ماں جی نال ہستال آں تے اس نے سٹنٹ پوا لیا ،لاہوری صاحب ادب نال اِن جرے نیں کہ ہر سمے ایہ ادبی کم وِچ اِی رجھے رہندے نیں۔
محمد افضل ساجد انہاں دا تعارف کراندیاں آکھیا کہ ایہناں 1953نوں لاہور وچ جنم لیا ،ٹیکنیکل تعلیم توں زبان و ادب گروپ وچ بی اے کیتا تے روزگار لئی قطر ٹر گئے تے کم کار نال اوتھے وی انہاں نے بوہت سارے عالمی ادبی پروگرام کرائے تے سارِیاں عرب ریاستاں وچ عالمی مشاعرے پڑھے ،انہاں دِیاں ترِیہہ توں ودھ کتاباں آچکیاں نیں 2014 وچ فیر لاہور آن وسے 28 ورہیاں توں ادبی رسالہ خیال و فنچھاپ رہے نیں تے اپنی قدیمی تنظیم ادارہ خیال و فندی چھتر چھاویں ہن تیک200 توں ودھ ادبی پروگرام کرا چکے نیں انہاں نوں90 توں ودھ عالمی ادبی ایوارڈز تے شیلڈاں مِل چکیاں نیں تے آپ جی دے فن و شخصیت تے پاک وہند وچ10 توں ودھ ادبی رسالیاں چ گوشے چھپ چکے نیں تے یونیورسٹیاں وچ آپ جی دے کم اتے ایم فِل دے بوہت سارے مقالے لکھے جا چکے نیں۔گل بات کردیاں اعجاز احمد رانانے اینے وڈے ادبی کماں تے مباک پیش کیتی،شاعر افسانہ نگار، تے صحافی وقار مصطفی لاہور والا نے آکھیا کہ ایہہ انہاں دی ہمت اے کہ 68 ورہیاں دے ہون توںبعد وی جواناں دی طرحاں کم کر رہے نیں۔سیاستدان تے سوشل ورکر انیلہ منیر تے ڈاکٹر تبسم جی نے انہاں نوں لاہوری ٹپے چھپن تے مبارک دِتی۔دانشور تے ادیب خالد اعجاز مفتی ہوراں آکھیا کہ انہاں نوںجدوں وی ویکھیا ادبی رجھیواں ہی نظر آیا،کتاباں انہاں دا اوہ کم اے جیہڑا ایہ ادبی پروگراماں توں بچیا بعد دا ویلا اے۔اقبال باہو مرحوم دے پتر ندیم اقبال باہو نے حضرت سلطان باہو دا کلام تے لاہوری ٹپے پیش کیتے۔اثرہ اسلم نے انہاں دے ادبی کم تے ہلا شیری دِتی۔اچیچے پروہنے مشتاق قمر ہوراں انہاں دے فن و شخصیت تے ادبی کماں نے جھات پائی۔پنجابی دے سوجھوان شاعر عدل منہاس لاہوی ہوراں انہاں نوں شعراں راہِیں خراجِ تحسین پیش کیتا۔اچیچے پروہنے پروفیسر شفقت رسول مرزا ہوراں نے لاہوری ٹپے تے بھرویں گل بات کیتی۔محمد ممتاز راشد لاہوری ہوراں گل کردیاں آکھیا کہ میری کوشش رہی اے کہ میں اوہ کم کراں جس دی ادب نوں لوڑ اے ایس لئی بوہت ساریاں ایسیاں کتاباں وی لکھیاں جنہاں نے بہت گھٹ کم ہویا اے، لاہور دی تریخ، فلیم گیت،لاہوری بولیاں، لاہوری ٹپے ایس کم دا حصہ نیں ،انہاں نے پنجابی یونین دے پربندھ ہیٹھ پنجاب ہائوں وچ مدثر اقبال بڑ جی ولوں کتاب دی مکھ وکھالی بیٹھک دا پربندھ کرن تے انہاں دا شکریہ ادا کیتا،صدر محمد عباس مرزا ہوراں گل کردیاں آکھیا کہانگریزی تے اردو اِنج گھراں چ وڑ گئی اے کہ ہن ماواں اپنے بچیاں نوں ایس توں ہٹن ای نہیں دیندیاں،انگریزی تے اردو تے لوڑ دی بولی اے، اردو دی اوس سمے لوڑ سی جدوں رابطے دی لوڑ سی ہن تے ساڈا اپنا دیس ایے ایتھے پنجابی نوں اگے ودھانا چاہی دا اے ، اخیر وچ مدثر اقبال بٹ جی نے ممتاز راشد لاہوری نوں کتاب تے مبارک دیندیاں آکھیا کہ ایس کتاب دا انتساب انہاں میرے ناں کیتا ہے تے ایہ میرے لئی اعزاز تے ایہ ہال ادبی تقریباں لئی حاضر اے تے انہاں آن والے پروہنیاں دا شکریہ ادا کیتا۔
تقریب دے اخیر وچ مشاعرہ ہویا رلت کرن والے شاعراں وچ پروفیسر محمد عباس مرزا، عدل منہاس لاہوری، ممتاز راشد لاہوری، انیس احمد،مشتاق قمر، پروفیسر راشد الطاف بخاری، محمد افضل ساجد، وحید ناز، ڈاکٹر تبسم، صدیق جوہر، اسد علی رانا، اثرہ اسلم، انیلہ منیر، پروفیسر شفقت رسول مرزا، انیل ارشاد خان ایڈووکیٹ، گلزار حسین گلزار، اعجاز رانا، عرفان ہاشمی، منیر اختر، پروین وفا ہاشمی شامل نیں۔پروگرام توں بعد پنجابی یونین ولوں پروہنیاں نوں کھانا پیش کیتا گیا۔کجھ شاعراں دا نمونہ کلام
باصر زیدی
دل سے ترا خیال نکالا نہ جا سکا
دل پھر تمہارے بعد سنبھالا نہ جا سکا
٭٭٭٭٭٭
راشد الطاف بخاری
تیرے اتلے بلھ نال
تیرے ہیٹھلے بلھ نال جھیڑا کی اے
کیوں ایہ دوویں مِل کے نہیں ریہہ سکدے
٭٭٭٭٭٭
اظہر عباس خان
کب تیری یاد کے پہلومیں بیٹھیں
ہم نے آخر شعر بھی کہنا ہونا ہے
٭٭٭٭٭٭
اعجاز رانا
ہاسیاں بدلے ہوکے ، ہاواں دے چھڈیاں
سانوں دھپ تے اوہنوں چھاوان دے چھڈیاں
٭٭٭٭٭٭
شفقت رسول مرزا
زندگی ایک پان ہے گویا
روز کھاتا ہوں، تھوک دیتا ہوں
٭٭٭٭٭٭
مشتاق قمر
بلھاں توں یاداں دی سرخی لیہہ گئی اے
پیراں چوں رسماں دا سنگل ٹٹیا نہیں
٭٭٭٭٭٭
انیل ارشا د خان
رتجگے چشمِ تر شکستہ مرے خواب ،زخمی خواب
زخمی خطوط زخمی دل زخمی گلاب، زخمی خواب
٭٭٭٭٭٭
وحید ناز
عمراں کولوں لمیاں سوچاں
ساتھوں پہلاں جمیاں سوچاں
٭٭٭٭٭٭
محمد عباس مرزا
اپنے گھر میں جانا چاہناں، پر عباس
ہتھ وچ شاپر نہیں تے رستہ بھل بیٹھاں
٭٭٭٭٭٭
صدیق جوہر
میرے بِن لگدا سی مینوں سب نکارہ کھیڈ وچ
ایسے لئی میں آ گیا سارے دا سارا کھیڈ وچ
٭٭٭٭٭٭
ممتاز راشد لاہوری
اپنی ماں بولی دے موتی رولاں گے
جنت وچ وی اسیں پنجابی بولاں گے