اہم تعیناتی اُتے اتفاق ہوچکیا ، بس رسمی اعلان باقی اے: رانا ثنا اللہ

لہور ( پنجابی میڈیا)وزیرداخلہ رانا ثنا اللہ نے انکشاف کیتا اے کہ اہم تعیناتی اُتے اتفاق رائے ہوچکیا اے، معاملہ پیپر اُتے آنا تے رسمی اعلان باقی اے ۔رانا ثنا اللہ نے ہور آکھیا کہ میرا تجربہ اے کہ حساس نوعیت دے فیصلے توں پہلاں اتفاق رائے ہندا اے، اہم تعیناتی اُتے اختیار وزیراعظم دا اے، ایس اُتے اتفاق رائے ہوچکیا اے، تعیناتی دا معاملہ پیپر اُتے آنا باقی رہ گیا اے، رسمی اعلان باقی اے، مشاورت توں مراد کسی دا اختیار تے نہیں ہُندا ، وزیراعظم کسی توں وی پچھ سکدے نیں، بالآخرفیصلہ اوہناں نے ہی کرنا اے ۔رانا ثنا اللہ نے آکھیا کہ ایہ کسی نوں سرپرائز دین والی گل نہیں اے، وزیراعظم مشاورت کرچکے نیں، اک 2 دناں وچ پیپراُتے آجائے گا، ایس وچ کوئی حرج نہیں، اسحاق ڈار دی مدد جیتھے درکار سی اوہ حاصل کیتی گئی اے، کوئی اینج دی گل نہیں کرنا چاہندا کہ فیصلے توں پہلاں قیاس آرائی ہوئے ، میری رائے وچ تعیناتی اُتے ایس توں ودھ تاخیر شاید مناسب نہیں ہوئے گا، اک 2دناں وچ ایہ فیصلہ ساہمنے آجائے گا، فیصلے توں مراد آرمی چیف دی تعیناتی اے۔