آئی ایم ایف نے سیلاب بارے خرچیاں دی تفصیل منگ لئی
اسلام آباد( پنجابی میڈیا گروپ)بین الاقوامی مالیاتی فنڈ(آئی ایم ایف)نے پاکستان وچ سیلاب بارے خرچیاں دی تفصیل منگ لئی۔میڈیا دے مطابق وزارتِ خزانہ ذرائع دا کہنا اے کہ ایس مالی ورھے دی پہلی سہہ ماہی دی اقتصادی کارکردگی بارے اعداد و شمار پہلاں ہی آئی ایم ایف نوں دتے جاچکے نیں،ایس دے علاوہ آئی ایم ایف دے نال سیلاب دیاں تباہ کاریاں بارے جیہڑے عالمی اداریاں دی رپورٹ دے تناظر وچ اعداد وشمار مرتب ہوئے اوہ وی شیئر کیتے گئے۔ایس توں پہلاں آئی ایم ایف توں سیلاب دیاں تباہ کاریاں دے اثرات نوں مد نظر رکھدیاں ہوئے نرمی دی درخواست کیتی گئی سی، جس وچ پچھلے دناں وزیر خزانہ دے نال ہون والی آن لائن ملاقات وچ سیلاب پاروں پسماندہ تے غریب طبقے لئی سبسڈیز بارے نظر ثانی دا اشارہ وی دتا گیاسی۔
