جواب
سلطان کھاروی
کہندے پاک امام معصوم بچی کراں کیہ میں بوہتی بیمار ایں توں
تینوں نال لے جان وچ عذر کوئی نہیں حکم پاک خدا دا لاچار ایں توں
اگ پھکنی پینی اے پینڈیاں دی اگے تاپ دے نال اوازار ایں توں
میرے دُکھاں دے وچ وی سانجھ تیری پہلاں میرے توں اج دکھیار ایں توں
ہویا کیہ جے ذرا کُو بالڑی ایں میری بڑی وڈی غم خوار ایں توں
رہیں گی نانا حضورۖ دے بوہت نیڑے گل بڑی اے وچ دربار ایں توں
ہے وے شہر مدینہ وی اک جنت کر فخر کہ وچ گلزار ایں توں
تیرا ہجر قربان حضورۖ اُتوں کہندا کھاوری چین قرار ایں توں
