لہور: الحمرا وچ 5 روزہ گائیکی ورکشاپ شروع
لہور(راجہ ناصرتوں) الحمرا وچ پنج روزہ گائیکی ورکشاپ کا آغا زہوگیا۔ایگزیکٹوڈائریکٹر لہور آرٹس کونسل الحمرا ذوالفقار علی زلفی ہوراں آکھیا کہ الحمرا اکیڈمی آف پرفارمنگ آرٹس جیتھے نوجواناں نوں فنون لطیفہ وچ موسیقی دی تربیت دے رہی اے اوتھے نوجواناں نوں الحمراوچ موسیقی شوز وچ لائیوپرفارم کرن نوں موقع فراہم کر کے اوہناں دا اعتماد ودھایاجاندا اے۔ذوالفقار علی زلفی نے آکھیا ایس خدمت نال وی دو قدم اگے جا کے نوجواناں نوں دور حاضر دے نویں رجحان متعارف کروان لئی اوہناں لئی مختلف شعبیاں وچ ورک شاپاں دااہتمام کیتا جارہیا اے،پچھلے پنج دناں وچ ورکشاپ اندر نوجواناں دے بہتر مستقبل لئی معاون ثابت ہوئے گی،ایس توں پہلاں وی نامور گلوکار شفقت علی خان نوجواناں نوں موسیقی دیاں مہارتاں توں آگاہ کر چکے نیں ۔ ذوالفقار علی زلفی نے آکھیا کہ ڈرائنگ کیری کیچر تے کارٹون دی اہمیت دے پیش نظر ایس شعبہ وچ 6دناں دی ورکشاپ داانعقاد کیتاجا رہیا اے جیہڑی12توں16دسمبر تک جا ری رہے گی جس وچ نامور کارٹونسٹ جاوید اقبال نوجواناں نوں تربیت فراہم کرن گے۔اوہناں آکھیا کہ سارہ رضا خان موسیقی دی دنیا وچ اک نوا چمکدا ستارہ اے جس نال ورکشاپ نوجواناں لئی موسیقی دے شعبے وچ نویاں نسلاں نوں سیکھن دا موقع ملدا اے،پنج روزہ گائیکی ورکشاپ وچ سارہ رضا خان نے نوجواناں نوں موسیقی دے اسرار ورموز توں آگاہ کیتا۔ نوجواناں دی وڈی تعداد نے ورکشاپ وچ رَلت کیتی تے ردعمل دیندیاں ورکشاپ نوں اپنے لئی بے حد مفید قرار دتا۔
