اراکان استعفٰے دین ،اسیں60دناں وچ ضمنی الیکشن کرادیاں گے،الیکشن کمیشن

اسلام آباد( پنجابی میڈیا گروپ) پی ٹی آئی چیئرمین عمران خان ولوں صوبائی اسمبلیاں دی تحلیل دے اعلان اُتے الیکشن کمیشن دا ردعمل سامنے آگیا ۔ الیکشن کمیشن نے دس دتا کہ عام الیکشن ہون گے یا ضمنی الیکشن۔ ترجمان الیکشن کمیشن دے مطابق صوبائی اسمبلی تحلیل ہون اُتے قومی نہیں بلکہ صوبائی اسمبلی داالیکشن دوبارہ ہوئے گا،جنے وی اراکان اِستعفی دین گے،60 دناں وچ ضمنی الیکشن کرادیاں گے۔ترجمان الیکشن کمیشن نے آکھیا کہ کسی وی صوبائی حلقے وچ الیکشن اُتے تقریبا پنج توں 7کروڑ روپے خرچ ہون گے،اگرچہ اک ہی سال وچ ضمنی تے عام الیکشن کرانا مشکل اے مگر اسیں قنون دے پابند ہاں۔