پاکستانی معیشت نوں کھوہبے وچوں کڈھن لئی دعاواں د ی لوڑ اے، اسحق ڈار

کراچی( پنجابی میڈیا)وفاقی وزیر خزانہ اسحاق ڈار نے آکھیا اے کہ اسلامی بینکنگ نظام دے نال پاکستان دی معیشت نوں وی بھنور توں کڈنا اے، حکومت کول پیسے ہی نہیں تے بینکاں وچ کِنج رکھے گی؟پاکستانی معیشت نوں بھنور توں کڈن لئی دعاواں دی لوڑ اے۔کراچی وچ منعقدہ حرمت سود سیمینار نال خطاب کردیاں وزیر خزانہ آکھیا کہ ملک دا مالیاتی نظام معاشی ترقی لئی اہم ہُندا اے،موجودہ دورہ وچ بینکاری خدمتاں دا استعمال جدید دور دی لوڑ بن چکیا اے۔ اسحاق ڈار نے آکھیا کہ اج دی تقریب وچ رَلت میرے لئی باعث ثواب تے اعزاز اے،شرعی عدالت دا سود ختم کرن دے فیصلے داخیرمقدم کردے ہاں، پاکستان دی معیشت تے مستقبل لئی اہم پیش رفت اے، جَد ایہ فیصلہ آیا تے باہر دے ملک ساں، میں نیت کیتی کہ جَد وی پاکستان جاواں گا تے پہلا کم ایہ اپیلاں واپس کرانا ہون گئیاں ۔ وفاقی وزیر خزانہ ہور آکھیا کہ پاکستان وچ اسلامک بینکنگ نظام کامیاب اے،سود توں بچنا پاکستان لئی بوہت اہم اے،اسلام نے وی سود دین یا لین اُتے پابندی عائد کیتی اے،اسلامک بینکنگ نظام ذریعے شفاف لین دین نوں یقینی بنایاجاسکدااے۔