کابل:پاکستانی سفارتی حکام اُتے فائرنگ، گارڈ زخمی، وزیراعظم شہباز شریف دی مذمت

کابل (پنجابی میڈیا گروپ)افغانستان دے دارالحکومت کابل وچ پاکستانی سفارتی حکام اُتے فائرنگ کیتی گئی جس نال ناظم الامور دے گارڈ گولیاں لگن نال زخمی ہوگئے جناں نوں ہسپتال منتقل کیتا گیا۔ذرائع مطابق فائرنگ اوس ویلے ہوئی جَد پاکستانی ناظم الامور چہل قدمی کر رہے سن، گولی پاکستانی ناظم الامور دے گارڈ نوں3گولیاں لگیاں، پاکستانی ناظم الامور عبید نظامانی فائرنگ دے واقعے وچ محفوظ رہے جدکہ سفارتی عملے نوں حکومت پاکستان ولوں وقتی طور اُتے واپس وطن بلا لیا گیا اے۔سفارتی ذرائع دے مطابق طالبان دی ابتدائی تحقیقات دے مطابق گولیاں قریبی عمارت توں چلائیاں گئیاں۔وزیر اعظم محمد شہباز شریف نے کابل وچ پاکستانی ہیڈ آف مشن اُتے حملے دی مذمت کردیاں ہویاں آکھیا کہ بہادر سکیورٹی گارڈ نوں سلام اے جس نے اپنی جان اُتے کھیڈ کے اوہناں دی جان بچان لئی گولی کھادی۔اوہناں نے گھنانے فعل دی فوری تحقیقات تے ذمہ داراں دے خلاف کارروائی دا مطالبہ کردیاں ہویاں آکھیاکہ سکیورٹی گارڈ دی چھیتی صحت یابی لئی دعا گو ہاں۔