روس پاکستان نوں سستاخام تیل فراہم کرے گا،مصدق ملک

اسلام آباد(پنجابی میڈیا گروپ)وزیر مملکت برائے پیٹرولیم مصدق ملک دا کہنا اے کہ روس نال مذاکرات کامیاب ہوگئے نیں روس پاکستان نوں خام تیل رعایتی قیمت اُتے فراہم کرے گا ۔ مصدق ملک نے پریس کانفرنس وچ میڈیا نال گل بات کر دیاں آکھیا اے کہ روس دے نال مذاکرات بڑے مثبت رہے روس دا دورہ ساڈی توقعات توں زیادہ بہتر رہیا ، روس نال معاہدے ہوگئے نیں روس ساہنوں خام تیل رعایتی نرخ اُتے فراہم کرے گا ساہنوں ریفائنری پروڈکٹس پیٹرول تے ڈیزل اُتے ڈسکانٹ ملے گا ۔ اوہناں دا کہنا سی کہ پاکستان نوں ہر شعبے وچ خود کفیل ہونا اے پوری دنیا وچ اضافی معاشی ترقی لئی اکتوں ڈیڑھ فیصد اضافی انرجی چاہیدی ہندی اے، ساہنوں گھٹ توں گھٹ اک فیصد اضافی انرجی گیس پیٹرولیم بجلی چاہیدی اے بالاں نوں روزگار دین لئی ساہنوں ہر سال انرجی وچ8توں10فیصد اضافہ کرنا ہوئے گا۔