چیف سیکرٹری پنجاب دا چھٹی مکمل ہون دے باوجود کم کرن توں انکار

لہور( پنجابی میڈیا گروپ)چیف سیکرٹری پنجاب کامران علی افضل نے چھٹی مکمل ہون دے باوجود پنجاب وچ کم کرن توں انکارکر دتا ۔کامران علی افضل نے وفاقی اسٹیبلیشمنٹ ڈویژن نوں130دناں دی چھٹی دی درخواست دے دتی کامران علی افضل دا130 دن ایکس پاکستان لیو لئی درخواست دتی ۔ درخواست وچ آکھیا گیا کہ وچ آسٹریلیا جانا چاہندا ہاں ،میری درخواست فوری منظور کیتی جائے ۔ وزیراعلی پنجاب چودھری پرویز الٰہی چیف سیکرٹری پنجاب کامران علی افضل دی پہلے ہی اک اک مہینے دی دو بار چھٹی منظور کر چکے نیں ۔ چودھری پرویز الٰہی نے6دسمبر تک کامران علی افضل دی رخصت منظور کیتی سی، ہور 30دن لئی عبداللہ سنبل نوں قائمقام چیف سیکرٹری دے طوراُتے کم جاری رکھن دا حکم دتا گیا سی ۔ چیف سیکرٹری پنجاب کامران علی افضل نے6اگست نوں پنجاب وچ بطور چیف سیکرٹری کم کرن توں انکار کیتا سی تے آکھیا سی کہ پنجاب وچ ربڑ اسٹیمپ بن کے کم نہیں کرسکدا۔