پاکستان نہیں جاواں گا، مشفیق الرحیم اپنی ضد تے قائم

لہور: بنگلہ دیشی کھڈاری مشفیق الرحیم نے دوٹوک موقف اختیار کردیاں دورہ پاکستان توں صاف انکار کر دتا اے۔ بنگلہ دیشی کرکٹ بورڈ دے صدر نظم الحسن ولوں سخت پیغام دین دے باوجود مشفیق الرحیم نے دوٹوک موقف اختیار کردیاں دورہ پاکستان توں صاف انکار کر دتا اے، بنگلہ دیشی ٹیم نوں اپریل وچ اک ٹیسٹ تے اک ون ڈے میچ لئی کراچی آنا اے۔

ایس توں پہلاں راولپنڈی ٹیسٹ لئی ٹیم دے نال نہ آن والے مشفیق الرحیم بارے پی سی بی دے صدر نظم الحسن نے آکھیا سی سنٹرل کنٹریکٹ یافتہ پلیئر ہون دی وجہ توں اوہ پاکستان جان دے پابند نیں۔

مشفیق الرحیم نے جواب وچ آکھیا پہلاں ای دورہ پاکستان توں انکار کر دتا سی، اوہناں نے میرا فیصلہ قبول وی کیتا، ہن وی اپنے موقف تے قائم آں، میں تے پی ایس ایل کھیڈن دے امیدواراں تے ڈرافٹ وچ وی شامل نہیں سی، اپنا فیصلہ تبدیل نہیں کراں گا پر ٹور تے جان والے کھڈاریاں لئی نیک خواہشات دا اظہار کرنا آں۔

اپنا تبصرہ گھلو