پرویز الہٰی دا مصور عمر جرال دے فن پاریاں دی نمائش دا اعلان

لہور( پنجابی میڈیاگروپ)وزیراعلی پنجاب چودھری پرویز الہٰی نے سپیشل مصور عمر جرال دے فن پاریاں دی نمائش کران دا اعلان کر دتا ۔ تفصیل دے مطابق وزیراعلی پنجاب چودھری پرویز الہٰی نال اسپیشل مصور عمر جرال نے ملاقات کیتی جس وچ عمر جرال نے وزیراعلی چودھری پرویزالہٰی نوں اپنے ہتھ نال بنائی ہوئی پوسٹر پینٹنگ پیش کیتی ۔ وزیراعلی پنجاب چودھری پرویز الہٰی نے عمرجرال دے نال اظہار شفقت کیتا تے اسپیشل مصور عمر جرال دے فن پاریاں دی نمائش کران دااعلان وی کیتا ۔ایس موقع اُتے وزیراعلی پنجاب چودھری پرویز الہٰی نے آکھیا اے کہ عمر جرال ساڈے لئی بہت خاص نیں ، مل کے خوشی ہوئی، عمر جرال دا فن تے اوہناں دا جذبہ قابل تحسین اے ۔ اوہناں نے ہور آکھیا کہ معاشرے نوں عمر جرال ورگے اسپیشل لوکاں دی قدر کرنی چاہیدی ، حکومت پنجاب اسپیشل لوکاں نوں معاشرے دا مفید شہری بنان دی راہ اُتے گامزن اے ۔