20دسمبر توں پہلاں اسمبلیاں دی تحلیل دا اعلان کردتا جائے گا:عمران خان
لہور( پنجابی میڈیا گروپ)چیئرمین تحریک انصاف وسابق وزیراعظم عمران خان نے آکھیا اے کہ20دسمبر توں پہلاں اسمبلیاں دی تحلیل دااعلان کردتا جائے گا۔لہوروچ عمران خان دی زیر صدارت ساہیوال سرگودھا ڈویژن تے میانوالی اراکین اسمبلی دے اجلاس دی اندرونی کہانی سامنے آگئی،دوناں ڈویژناں توں تعلق رکھن والے ارکان نے اسمبلی دی تحلیل دے فیصلے دی توثیق کر دتی۔چیئرمین پی ٹی آئی عمران خان نے آکھیا کہ ساڈی سیاست ملک توں بالاتر نہیں،پی ڈی ایم حکومت نے ملکی معیشت نوں تباہ کردتا،20دسمبر توں پہلاں اسمبلی تحلیل دی تریخ دااعلان کردتا جائے گا۔عمران خان دا کہنا سی کہ ق لیگ اہم اتحادی اے، اوہناں نوں اپنے فیصلے توں آگاہ کردتا اے، مسلم لیگ ق اسمبلی دی تحلیل دے معاملے اُتے اک پیج اُتے اے، ایسی مہینے اسمبلی تحلیل ہون جارہیاں نیں، ایس موقع اُتے سارے ارکان اسمبلی نے عمران خان دے فیصلے دی توثیق کیتی اے۔
