کامیاب پنجابی محفل مشاعرہ

چج ادبی پروار جھنگ پنجاب پاکستان دی چھتر چھاویں 11 دسمبر اتوار آلے دیہاڑ 4 وجے پنجابی محفل مشاعرہ پنجابی شاعر عبد الرحمن ساجد ہوراں دے ڈیرے تے زیر سرپرستی الحاج شیخ شیراز اکرم امیدوار صوبائی اسمبلی جھنگ تے مقامی سابق کونسلر ملک ناصر عباس حیدری آہر کیتا گیا۔ جس دی صدارت پرنسپل گورنمنٹ گریجوایٹ کالج محمدی شریف بھوآنہ چنیوٹ ڈاکٹر مہر فیصل حیات جپہ ہوراں کیتی۔ مہمان خصوصی گورنمنٹ گریجوایٹ کالج جھنگ شعبہ پنجابی دے پروفیسر پنجابی ادب دے نامور شاعر مہر بشارت حسین وقار جی تے پنجابی ادب دے نامور شاعر ڈاکٹر خالد اقبال خالد ضلع چنیوٹ ہن۔ اچیچے مہمان چج ادبی پروار جھنگ پنجاب پاکستان دے صدر حاجی ملک عبد الطیف شیدائی جی استاد الشعرا فخر جھنگ قاضی غلام عباس جی تے پنجابی ادب دے نامور شاعر پولیس آفیسر خان عارف خان بلوچ جی ہن۔ مشاعرہ دے سٹیج سیکرٹری دے فرائض عبد الرحمن ساجد ہوراں نبھائے مشاعرہ دی شروعات تلاوت قرآن پاک توں ہوئی جس دی سعادت حاجی ملک عبد الطیف شیدائی ہوراں حاصل کیتی۔ نعت رسول مقبول صلی اللہ علیہ وآلہ وسلم دی سعادت پروفیسر بشارت حسین وقار ہوراں حاصل کیتی مشاعرہ دے شعرا کرام وچ پرنسپل گورنمنٹ گریجوایٹ کالج بھوآنہ مہر فیصل حیات جپہ ۔ حاجی ملک عبد الطیف شیدائی ، قاضی غلام عباس ، ڈاکٹر خالد اقبال خالد چنیوٹ، گورنمنٹ گریجوایٹ کالج جھنگ شعبہ پنجابی دے پروفیسر مہر بشارت حسین وقار، خان عارف خان بلوچ پولیس آفیسر ، عبد الرحمن ساجد ، برخوردار ثاقب سیال، مہر احسان سجوکہ ، صابر علی صابر ، مہر الطاف اویس میانہ سیال ، خان منظور حسین صفدر خان ، خیرات علی خیرات ، ملازم حسین کاشی ، امان اللہ کاشف ، چوہدری سکندر حیات نصیب ہڈ ماسٹر گورنمنٹ ہائی سکول کوٹ خان، عمار خالد چینوٹ ، اخلاد الحسن اخلاد ، محمد یار انصر سرگودھا، عمران عاطف بلوچ ، اسرار خان بلوچ ، عاطف پاتوانہ ، مزمل رضا تسکین ، قاسم نواز، علی نقی خان ، احمد سیال ، شفقت حسین شفق لانگ ، آصف عمرانہ سیال، احسان اللہ شانو شامل ہن۔
شعرا کرام آپنا چونڑواں کلام سنا کے ڈھیر ڈھیر داد حاصل کیتی مشاعرہ وچ اچیچے رلت کرن آلے مہر محمد یونس سنپال ساہجھوال، مہر محمد سجاد بھروانہ ، مہر محمد اقبال بھروانہ، حاجی ملک محمد اقبال زرگر ، ملک نیاز حسین ہن مشاعرہ دے صاحب صدر پرنسپل گورنمنٹ گریجوایٹ کالج محمدی شریف بھوآنہ مہر محمد فیصل حیات جپہ ہوراں پنجابی ادب تے پنجابی زبان بارے شعرا کرام نال گل بات کیتی تے کامیاب پنجابی محفل مشاعرہ دی مبارک باد پیش کیتی۔ آپنا خوبصورت کلام سنا کے ڈھیر ڈھیر داد حاصل کیتی مشاعرہ دے آخیر تے چج ادبی پروار جھنگ پنجاب پاکستان دے صدر حاجی ملک عبد الطیف شیدائی ہوراں رلت کرن آلے شعرا کرام دا شکریہ ادا کیتا۔ مشاعرہ دے آخیر تے عبد الرحمن ساجد جنرل سیکرٹری چج ادبی پروار جھنگ پنجاب پاکستان ہوراں ولوں خوبصورت کھانا تے چائے شعرا کرام نوں دِتا گیا ۔عوام بھرویں رلت کیتی۔