دل و جان نال عمران خان دے نال ہاں،چوہدری پرویز الہی
لہور( پنجابی میڈیا گروپ)وزیراعلی پنجاب پرویز الہی نے عمران خان دی مبینہ آڈیو وائرل ہون اُتے دل و جان نال چیئرمین پی ٹی آئی دا ساتھ دین دا عزم ظاہر کردیاں ہویاں آکھیا کہ افواہواں پھیلان والے مخصوص ایجنڈے اُتے چل رہے نیں۔میڈیا دے مطابق پچھلے 2دناں توں سوشل میڈیا اُتے چیئرمین پاکستان تحریک انصاف عمران خان دی مبینہ آڈیو وائرل ہورہی اے، وزیراعلی پنجاب چوہدری پرویز الہی نے عمران خان اُتے اعتماد ظاہر کردیاں ہویاں دل و جان نال ساتھ دین دا اعلان کیتا اے ۔اوہناں دا کہنا اے کہ افواہواں پھیلان والے مخصوص ایجنڈے اُتے چل رہے نیں تے اختلافات دا پراپیگنڈہ کرن والیاں دے مذموم عزائم نکام ہون گے کیوں کہ مسلم لیگ قائداعظم متحد اے تے متحد رہے گی۔ایسی دوران وزیراعلی پنجاب نے اہم فیصلیاںدی منظوری لئی کل پنجاب کابینہ دا اہم اجلاس سَدھ لیا، جس وچ اہم فیصلیاںدی منظوری دتی جائے گی۔دُوجے پاسے پاکستان تحریک انصاف دے رہنما فواد چوہدری نے پنجاب وچ اپوزیشن ولوں تحریک عدم اعتماد لیان اُتے تبصرہ کردیاں ہویاں آکھیا اے کہ چودھری پرویز الہی نوں 187ارکان دی حمایت حاصل اے ایسی لئی عدم اعتماد دی تحریک نکام ہوئے گی ۔ سابق وفاقی وزیر نے آکھیا کہ لہور ہائیکورٹ فیصلے وچ اے کہ گورنر اعتماد دے ووٹ لئی کم از کم 10دن دا ٹائم دیوے گا۔
