پنجاب وچ سیاسی ہلچل: پاکستان تحریک انصاف دا گورنر ہائوس دے باہر احتجاج دا فیصلہ
لہور( پنجابی میڈیا گروپ)گورنر ہاؤس دے باہر احتجاج کیتا جائے گا جس نال چیئرمین پی ٹی آئی عمران خان خطاب کرن گے۔وزیراعلی پنجاب نوں ہٹان لئی پی ڈی ایم ولوں تحریک عدم اعتماد جمع کرادتی گئی جس دے بعد گورنر پنجاب نے وی چوہدری پرویز الہی نوں اعتماد دا ووٹ لین دا کہہ دتا۔ پنجاب دی سیاسی صورتحال اُتے پاکستان تحریک انصاف نے وی پتے شو کر دتے، پی ٹی آئی گورنر ہائوس دے باہر مظاہرہ کرے گی نال ہی اسپیکر پنجاب اسمبلی نے گورنر نوں ہٹان لئی صدر مملکت نوں خط لکھن دا فیصلہ کرلیا ۔فواد چوہدری کہندے نیں کہ صدر گورنر نوں ہٹا سکدے نیں ۔ پارٹی رہنماواں تے کارکناں نوں شام5وجے گورنر ہاس دے باہر اکٹھے ہون دی ہدایت کردتی ۔ پاکستان تحریک انصاف پنجاب دی پارلیمانی پارٹی دا صوبے دی سیاسی صورتحال اُتے اجلاس جمعرات نوں ہوئے گا۔
