اپوزیشن لیڈر شہباز شریف دی پٹرولیم لیوی ودھان دی شدید مذمت، تحقیقات دا مطالبہ

لندن: اپوزیشن لیڈر میاں شہباز شریف نے پٹرولیم لیوی ودھان دی مذمت کردیاں مطالبہ کیتا اے قوم توں ارباں روپے لٹن دی پارلیمنٹ وچ تحقیقات ہونی چاہیدی اے۔ شہباز شریف دا پٹرولیم لیوی 106فیصد ودھان دی مذمت کردیاں کہنا سی ایہدی آڑ وچ قوم توں ارباں روپے اضافی لٹن دے معاملے دی پارلیمنٹ وچ تحقیقات ہونی چاہیدی اے۔

ایہ تحقیقات وی ہونی چاہیدی اے کہ اوگرا دی ڈیزل وچ 12.4روپے کمی دی تجویز دے باوجود پنج روپے کمی دی منظوری کیوں دتی گئی؟ اپوزیشن لیڈر دا کہنا سی پٹرولیم لیوی دی مد وچ اضافی10ارب روپے ماہانہ لٹن والی حکومت کہڑے منہ نال غریب دی گل کردی اے؟ ڈیزل تے 25، پٹرول تے 19روپے توں ودھ وصولی تے مٹی دے تیل تے پٹرولیم لیوی 105.5فیصد ودھانا ظلم دی انتہااے۔