نعت شریف

عبدالحمیدنظامی

سدا ہوواں تیرے روضے دے نیڑے یارسول اللہ
مُک جاون گے دنیا دے بکھیڑے یارسول اللہ
خیالاں وچ میں سوں جاواں تے ویکھاں روضہ اقدس نوں
خدا دل میرے دی جے اکھ ہگیڑے یارسول اللہ
جدوں دا دُکھاں نوں دسیائے میں آقا کول جانا ایں
میرے توں غم وی رہندے نیں پریڑے یارسول اللہ
میں طیبہ پاک دے راہی نوں رو رو حال دسناواں
سلاماں دے میں نت دیواں سنہرے یارسول اللہ
پہنچ جاندا اے نظامی وی تصور وچ شہر تیرے
مدینے پاک دی جد گل کوئی چھیڑے یارسول اللہ