2023وچ وی عوام دی فلاح وبہبود دا مشن جاری رکھاں گے: پرویز الٰہی

لہور( پنجابی میڈیاگروپ)وزیر اعلی پنجاب چودھری پرویزالہی نے آکھیا اے کہ2023پاکستانی قوم لئی عزم نودی نوید اے، نویں سال وچ پرانیاں عداوتاں بھُل کے محبتاں وَنڈن۔نویں سال دے موقع اُتے اپنے پیغام وچ چودھری پرویزالہی نے آکھیا کہ دعا اے کہ نوا سال وطن عزیز وچ معاشی، سیاسی استحکام تے خوشحالی لیائے، نویں سال وچ جوش و جذبہ دے نال وطن عزیز دی ترقی لئی کم کرن دا عہد کردے ہاں۔اوہناں نے آکھیا کہ2023 وچ وی عوام دی فلاح وبہبوددا مشن جاری رکھاں گے، دین دی خدمت دا جیہرا بیڑا چُکیا اے اوس نوں ہور اگے ودھاواں گے،انشا اللہ نوا سال روشن مستقبل، مضبوط معیشت، ترقی دی نوید تے اُمید بن کے طلوع ہوئے گا۔ وزیراعلی پنجاب چودھری پرویزالہی نے ہور آکھیا کہ2023ماضی توں سبق سیکھ کے مستقبل وچ اصلاح دے عزم دے نال اگے ودھنا اے۔