شہباز شریف اپنے نہیں عوام دے کپڑے ویچن دی گل کیتی سی: فواد چوہدری

اسلام آباد (پنجابی میڈیاگروپ)پاکستان تحریکِ انصاف دے رہنما فواد چوہدری نے طنزیہ انداز وچ آکھیا اے کہ وزیرِ اعظم شہباز شریف اپنے نہیں عوام دے کپڑے ویچن دی گل بات کر رہے سن۔سماجی رابطے دی ویب سائٹ ٹوئٹر اُتے جاری کیتے گئے بیان وچ فواد چوہدری نے آکھیا کہ وزیر اعظم شہباز شریف نے پچھلے سال وعدہ کیتا سی کہ اوہ کپڑے ویچ کے آٹا سستا کرن گے۔ہُن آ کے پتہ چلیا کہ شہباز شریف عوام دے کپڑیاںدا کہہ رہے سن۔فواد چوہدری نے آکھیا کہ اگر ایہ ہور8مہینے رہ گئے تے عوام دے تن اُتے بنیان وی نہیں رہن دین گے۔