’’گفتگو فورم پاکستان‘‘دے پربندھ ہیٹھ پروفیسر ڈاکٹر عباد نبیل شاد دے اعزاز وچ تقریب

لہور( پنجابی میڈیاگروپ)’’گفتگو فورم پاکستان‘‘دے پربندھ ہیٹھ، پنجابی زبان و ادب دے دانشور، شاعر، ادیب تے پنجابی ادبی سنگت پاکستان دے روح رواں پروفیسر ڈاکٹر عباد نبیل شاد دے گورنمنٹ اسلامیہ کالج ریلوے روڈ لہور وچ پرنسپل تعینات ہون اُتے اوہناں دے اعزاز وچ ، شاعر ادیب انیس احمد نے اکادمی ادبیا پاکستان لہور ، ایونٹ ہال وچ تقریب دااہتمام کیتا گیا جس وچ لہور دے علاوہ دُوجیاں شہراں توں شعرائے کرام، ادیب ، صحافیاں تے ادبی ذوق دے حامل احباب نے رَلت کیتی، انیس احمد نے پروہنیاں نوں جی آیاں نوں آکھدیاں ہویاں آکھیا کہ پروفیسر ڈاکٹر عباد نبیل شاد ، شاعر ادیب تے ماہرِتعلیم دے نال پنجابی زبان ادبی لئی ہمہ جہت شخصیت نیں ، پنجابی سنگت پاکستان دے سابق سیکرٹری تے شاعر اعظم ملک نے اوہناں نوں پنجابی زبان دی مسلسل خدمت اُتے خراج تحسین پیش کیتا، تقریب دی صدارت پروفیسر محمد عباس مرزا نے کیتی، اُچیچے پروہنے ڈرامہ نگار بیوروکریٹ توقیر بن اسلم تے مشتاق قمر سن، اظہارِخیال کرن والیاں وچ وحید ناز، ڈاکٹر تبسم، باصر زیدی، کامیڈین عرفان، طاہر ابدال طاہر، محمد جمیل، روبینہ راجپوت، صدیق جوہر، پروفیسر شفقت رسول مرزا، نوید احمد رانا، ڈاکٹر جنید رضا، ڈاکٹر ابرار احمد، پروفیسر محمد عباس مرزا رَلتی سن