دبِستانِ شعر و سخن چنیوٹ پاکستان دے پربندھ ہیٹھمحفلِ مشاعرہ

دبِستانِ شعر و سخن چنیوٹ پاکستان دے پربندھ ہیٹھ ”کالج کیفے اینڈ ریسٹورنٹ چنیوٹ” وچ اک شعری نشست دا انعقاد کیتا گیا جہدے وچ مقامی شاعراں دے علاوہ ادب نال دلچسپی رکھن والے کئی اک معزز احباب نے رلت کیتی تے شاعراں دے کلام اتے بھرویں داد دتی۔ شعری نشست دی صدارت چنیوٹ دی منی پرمنی ادب شناس شخصیت جناب ملک فدا حسین نے کیتی تے اچیچے پروہنے منے پرمنے شاعر جناب شجاعت رجوی سن جد کہ مہمان اعزاز جناب اشفاق انجم جھنگ توں تشریف لیائے سن۔ نظامت دے فرائض جناب حفیظ الرحمن حفیظ نے سرانجام دتے۔ نشست دا آغاز جناب تصور سمیع نے تلاوت قرآن پاک توں کیتا تے بارگاہ رسالت وچ نذرانہ عقیدت جناب عمران منصور تے جناب مبشر حسن کامل نے پیش کیتا۔ شاعرا ںوچ جنابِ عمار خالد ، جنابِ ملک منیر ، جنابِ تصور سمیع ، جنابِ پروفیسر ڈاکٹر نوید عباس ، جنابِ مبشر حسن کامل، جنابِ خالد اقبال خالد ، جنابِ حسنین سہیل ، جنابِ تنویر پوری ، جنابِ ہارون عامر ، جنابِ ظفر اقبال ظفر ، جنابِ عارف خواجہ ، جنابِ زاہد ساویز ، جنابِ حفیظ الرحمن حفیظ ، جنابِ جاوید اقبال زاہد ، جنابِ پروفیسر خالد شبیر ، جنابِ اشفاق انجم(جھنگ )تے جنابِ شجاعت رجوی شامل سن۔ نشست دے اختتام تے صدرِ محفل جنابِ ملک فدا حسین نے ”دبستانِ شعر و سخن چنیوٹپاکستان دی ادبی سرگرمیاں نوں سراہیا تے آئندہ وی ایسی ادبی محفلاں جاری رکھن دا مشورہ دتانشست دے اختتام اتے بانی ”دبستانِ شعر و سخن(چنیوٹ)پاکستان ”جنابِ حفیظ الرحمن حفیظ نے سارے احباب دا شکریہ ادا کیتا۔