تحریک طالبان پاکستان فتنہ اے، بلاول بھٹوزرداری

دادو(پنجابی میڈیا گروپ)وزیر خارجہ تے چیئرمین پیپلزپارٹی بلاول بھٹو زرداری نے آکھیا اے کہ تحریک طالبان افغانستان اک حقیقت تے تحریک طالبان پاکستان اک فتنہ اے،پُرامن لوکاں لئی سو بسم اللہ ،اَت گرداں نوں وی،حکومت یا عوام کوئی وی منن نوں تیار نہیں ، اسیں پاکستان وچ آئین دی رٹ قائم کراں گے، اسیں اَت گرداں دے خلاف ایکشن لین گے، پی ٹی آئی اراکان استعفیٰ قبول نہ کرن لئی اسپیکر دے پیر پھڑ رہے نیں، بلدیاتی الیکشن وچ تاحیات تاخیر اُتے اعتراض اے، معاشی بحران اے ،دیوالیہ ہون دا خطرہ نہیں،پاکستان وچ سیلاب قیامت توں پہلاں قیامت اے۔میڈیا نال گل بات کردیاں ہویاں بلاول بھٹو نے آکھیا کہ پچھلے دور حکومت وچ سانحہ اے پی ایس وچ ملوث اَت گرداں نوں رہا کرن دا فیصلہ کیتا گیا، مینوں ایس ویلے وی ایس نوں بے وقوفانہ عمل قرار دے رہا ساں، اسیں پاکستان نوں اَت گردی توں پاک کر چکے سن، جنگ جتن توں بعد کون اینج دے فیصلے کردا اے۔اوہناں نے آکھیا کہ کابل وچ جو کجھ ہویا اوس دی اک تریخ اے، تحریک طالبان افغانستان اک حقیقت اے، تحریک طالبان پاکستان اک فتنہ اے، اوہناں دا مقابلہ کرکے اسیں اوہناںنوں شکست دے چکے ساں، مگر اسیں ایتھے وی اوہناں دے قیدی رہا کردتے تے اوہناں دے افغانستان وچ موجود قیدی رہا ہوئے تے اسیں اوہناں نوں وی پاکستان وچ میزبانی دی پیشکش کیتی۔