عمران خان مینوں ہمیشہ کہندے نیں کہ گھبرانا نہیں: وزیر اعلی چودھری پرویز الٰہی

گجرات( پنجابی میڈیا گروپ)وزیراعلی پنجاب چودھری پرویز الہی نے آکھیا کہ عمران خان نے سب توں بہترین کم ہیلتھ سیکٹر وچ کیتا اے، ہیلتھ کارڈ بوہت وڈا اثاثہ اے، اسیں ہر قسم دا علاج اُدھر لیا رہے ہاں۔گجرات وچ یونیورسٹی دے کانووکیشن نال خطاب کردیاں ہویاں پرویز الہی نے آکھیا کہ عمران خان مینوں ہمیشہ کہندے نیں کہ گھبرانا نہیں اے، حکمران اگر بے ایمان ہوئے برکت مُک جاندی اے، ایہ سارے ڈالر اُدھر لے جاندے تے واپس اسحاق ڈالر لے کے آندے نیں۔وزیر اعلی پنجاب چودھری پرویز الہی نے ہور آکھیا کہ مسلم لیگ ن نے میرے خلاف پراپیگنڈہ شروع کیتا،کہندے نیں اوہناںکول پیسے کیتھوںآن گے، شہبازشریف نے زندگی وچ بوہت جھوٹ بولے، ایہ ج جیہڑی مہنگائی دا طوفان نال لے کے آئے اوہ رُکن دا نام ہی نہیں لے رہیا ۔اوہناں نے ہور آکھیا وزیر آباد کارڈیالوجی نوں اسیں200توں400بیڈاں اُتے لے کے جا رہے ہاں، منڈی بہاالدین وچ وی9ارب دے منصوبے چل رہے نیں، اسیں گجرات لئی اک بوہت وڈا ڈینٹل کالج وی دے رہے ہاں، تعلیم دے بغیر کوئی ملک ترقی نہیں کرسکدا نہ ہی قوم بن سکدی ۔