علی پور چٹھہ وچ نامور شاعر عباس تابش دے نام اک شام

اج کل شدید دھند تے سردی نے ڈیرے پارکھے نیں۔ روزانہ پیغام موصول ہوندے نیں کہ شدید دھند کارن غیر ضروری سفر توں پرہیز کرو۔ سردی دی لہر نے لہو جام کرن والے حالات پیداکر رکھے نیں۔ صرف اک مہینے پہلاں موسم بڑا شاندار سی تے اوس موسم وچ ہر پاسے مشاعریاں دی بھرمار سی۔ شاعراں کولوں وقت نہیں مل رہیا سی۔ روزانہ دی بنیاد تے مصروفیت سی۔ دسمبر دے آخری عشرے دے اخیر وچ موسم بدلیا تے مشاعرے وی رک گئے لیکن ادب نال محبت تے اپنیاں نال محبت دے اظہار وچ جے کوئی کنجوسی نہیں کردا تے اوہ قمر ریاض اے۔ قمر ریاض روزگار دے سلسلہ وچ مسقط (اومان) وچ مقیم نیں تے گاہے بگاہے اپنے لوکاں نال ملن آندے رہندے نیں۔ اوہ ایس واری وی آئے تے موسم دی شدت تے دُوجی بہت ساری مصروفیات دے باوجود اوہناں نے دوستاں نوں اک تھاں اکٹھا کر کے ویلا لنگھان دا ارادہ کیتا۔ ایس ارادے دی تکمیل لئی اوہناں نے پاکستان دے مشہور شاعر عباس تابش نوں اپنے دولت خانہ اتے مدعو کیتا تے اوہناں دے نام اک شام رکھن دا اعلان کر دتا۔
علی پور چٹھہ وچ وی عباس تابش نال محبت کرن والیاں دا اک سنجیدہ حلقہ ”دھنک” دی شکل چ موجود اے۔ ایہہ خبر دھنک دے سارے سنگیاں لئی اطمینان تے خوشی دا کارن سی۔ محبتاں دے سفیر قمر ریاض نے ادبی تنظیم ”دھنک” دے پلیٹ فارم توں اوس شام لئی خاص انتظام کیتا سی۔ ”دھنک” پچھلے 24 ورھیاں توں علاقے وچ اردو تے پنجابی ادب دی ترویج لئی کوشاں اے تے 203ماہانہ مشاعرے کروا چکی اے۔ سرد موسم وچ گرم ہال وچ پرآسائش نشستاں بطور خاص ایس پروگرام لئی لائیاں گئیاں سن۔ عباس تابش دے نال منائی جان والی ایس شام وچ لہور توں منفرد لہجہ دے منے پرمنے شاعر اتباف ابرک تے نجم فیلوز لہور دے ڈائریکٹر جی اے نجم نے وی رلت کیتی۔ اتباف ابرک دور جدید وچ شاعری دا اک وڈا نام اے۔ اوہناں دا اصل نام آفتاب اکبر اے تے اوہ اک پروڈکشن ہائوس وی چلاندے نیں۔ دبنگ ڈرامہ رائٹر خلیل الرحمن قمر دے کئی ڈرامے اتباف ابرک نے پروڈیوس کیتے۔ اوہناں دا شعری مجموعہ ”آفتاب ہوں میں” بڑا مقبول اے۔ جی اے نجم لہور وچ ”نجم فیلوز” دے نام توں اک سٹوڈیو چلا رہے نیں جہڑا بالخصوص نویں شاعراں تے شاعرات دی پذیرائی دا فرض نبھا رہیا اے۔ اوہناں نے مشاعریاں تے ادبی تقریباں نوں اک نواں رنگ ڈھنگ دتا اے۔
تقریب دے اچیچے پروہنے دھنک دے سرپرست اعلیٰ ڈاکٹر سلیمان عبداللہ ڈار سن۔ ڈاکٹر سلیمان عبداللہ ڈار نثر نگار تے عمدہ شاعر نیں۔کم و بیش 25کتاباں دے مصنف نیں۔ نثر دی جملہ اصناف وچ اوہناں نوں مہارت حاصل اے۔ اوہناں دا شعری مجموعہ ”بھیگی شام اور جلتے چراغ” خوبصورت مجموعہ اے۔ نقابت دے فرائض دھنک دے صدر یونس تحسین نے انجام دتے۔ یونس تحسین علی پور چٹھہ دے ابھردے ہوئے شاعر نیں۔ ”مصرع تحسین” اوہناں دا شعری مجموعہ بڑا مقبول ہو رہیا اے۔ ایس پروقار تقریب دا آغاز تلاوت کلام پاک نال ہویا۔ یونس تحسین نے ایہدی سعادت حاصل کیتی۔ فرحان صدیقی نے مظفر وارثی دی خوب صورت انداز وچ نعت پیش کیتی۔ تقریب دے پہلے حصے وچ مشاعرہ ہویا جہدے وچ اوہناں شاعراں نے اپنا کلام پیش کیتا۔
آصف آسی پنجابی زبان دے بالخصوص عمدہ شاعر نیں۔ اپنے منفرد خیالات تے لفظیات کارن اوہ بڑے پسند کیتے جاندے نیں۔
اُس ویلے میرے سنگیاں نوں میرے اُجڑن دی کھِچ آئی
جس ویلے ہنجواں دی میَں ساری پھُوڑی ولیٹ چھڈی
٭…٭
قابو کتھے آندیاں سن اے سر پھریاں
سدھراں تے فیر اتھرو چھڑک کے چُمیا اے
سمیر شمس دا بنیادی تعلق سیالکوٹ نال اے لیکن اج کل اوہ علی پور چٹھہ وچ مقیم نیں۔ سنجیدہ تے پختہ کار شاعرنیں۔
نہ گریہ زاری سے آواز اپنی بھاری کر
شرابِ غم ہے،پیے جا میاں،خماری کر
ہماری سینہ خراشی سے کیا غرض تجھ کو
تُو نقش کار ہے، تُو نقش کاری کر
یونس تحسین ادبی تنظیم دھنک دے صدر نیں۔ باکمال شاعر نیں تے دھنک نوں کامیابی نال لے کے چل رہے نیں۔
دھڑکتے دل کے لئے مسئلہ بنا ہوا تھا
وہ سامنے تھا مگر فاصلہ بنا ہوا تھا
اسے بھی سانس نہیں آرہا تھا باتوں سے
ہماری چائے کا بھی ذائقہ بنا ہوا تھا
ثاقب تبسم ثاقب ادبی تنظیم دھنک دے چیئرمین نیں۔ 24ورھیاں تک دھنک دے صدر رہے نیں تے سوہنے شاعر نیں۔
پھر کسی کام کے نہیں دھاگے
جب حیا شال سے نکل جائے
ہو سدھایا ہوا مرا طوطا
اور تُو فال سے نکل جائے
٭…٭
دم بدم وحشتوں میں پالے کی
چیخ سنتا ہے کون چھالے کی
باپ کرتا ہے کیا جتن ثاقب
اب سمجھ آئی ہے نوالے کی
قمر ریاض’ دھنک دے بانیاں وچوں نیں۔ اک مدت تک دھنک دے جنرل سیکرٹری رہے۔ بڑے عمدہ تے توانا لہجے دے شاعر نیں۔ میزبان محفل دے شعر ویکھو۔
عشق کی پہلی بھول جیسی ہے
وہ تروتازہ پھول جیسی ہے
کیا سمجھتا ہے قیس دنیا کو
اس کے پیروں کی دھول جیسی ہے
٭…٭
دنیا کے تجربوں یا آفات کے علاوہ
کب لوگ سمجھتے ہیں حالات کے علاوہ
اس موڑ پر ہمارا پہنچا ہے اب تعلق
دل میں نہیں ہے کچھ بھی خدشات کے علاوہ
احمد علی کیف’ لہور توں نوجوان شاعر نیں۔ اوہناں دی شعری کیفیات اوہناں ای دا خاصہ اے۔
سورج سے ، ماہتاب سے کہتا نہیں تھا میں
دل کا کہا گلاب سے کہتا نہیں تھا میں
ان کو سنائی دی ہیں یہاں سسکیاں مری
حالانکہ اب جناب سے کہتا نہیں تھا میں
جی اے نجم پہلی نظر وچ رومانوی طرز دے شاعر لگدے نیں۔ تاہم اوہناں دی شاعری وچ جدت تے روایت دا حسین امتزاج پایا جاندا اے۔
سرِ محفل تمہارے ظلم کیا گن گن کے بتلائیں
فقط اتنا ہی دیتے ہیں اشارہ، کچھ نہیں چھوڑا
محبت یوں تو اچھی ہے مگر نجم اک رویے نے
ہمیں اس تجربے سے یوں گزارا، کچھ نہیں چھوڑا
اتباف ابرک کسے تعارف دے محتاج نہیں۔ جدید لہجے دے منفرد اسلوب دے حامل شاعر نیں۔ کم گو نیں تے نفیس شخصیت دے مالک نیں۔
دیوار نہیں در نہیں سایہ بھی نہیں ہے
اس پر وہ گیا، لوٹ کے آیا بھی نہیں ہے
تا عمر تعاقب میں رہی ایک محبت
کھویا بھی نہیں اس کو پایا بھی نہیں ہے
بیٹھے ہیں پریشان، گنوایا اسے کیسے
رستے میں کوئی موڑ تو آیا بھی نہیں ہے
ڈاکٹر سلیمان عبداللہ ڈار ادبی تنظیم دھنک دے سرپرست اعلیٰ نیں۔ اردو تے پنجابی دے عمدہ شاعر نیں۔ تصوف اوہناں دا خاص میدان اے۔
پتھر کا اک بت ہے جب وہ پھر اس سے ٹکرانا کیا
ایک بھڑکتا شعلہ ہے وہ اس سے جی کو جلانا کیا
بچھڑے ہوں گے اس دنیا میں اک دوجے سے اکثر لوگ
دل سے آنکھوں کے رستے پھر ایک چناب بہانا کیا
وقت نے تیرے ہاتھ میں اب حالات کی ڈوری تھمائی ہے
وقت نہیں رہتا اک جیسا اس پر یوں اترانا کیا
مشاعرے دے دوران سید مستجاب حسین زیدی’ بابر بلال تے اے آر عادل نے اپنے خیالاں دا اظہار وی کیتا۔ سید مستجاب حسین زیدی پریس کلب علی پور چٹھہ دے چیئرمین ہون دے نال نال منے پرمنے کاروباری تے سماجی شخصیت نیں۔ مذہبی حوالے نال وی وکھرا مقام رکھدے نیں۔ بابر بلال ماہر تعلیم تے سوشل موٹیویٹر نیں۔ اے آر عادل سینئر صحافی’ نقاد تے ترقی پسند تحریک دے نمائندہ نیں۔ تقریب دے دُوجے حصے وچ عباس تابش نے مختلف سوال و جواب دے تناظر وچ گل بات کیتی۔ عباس تابش دی سوہنی گل بات نوں حاضرین نے بڑا سراہیا۔ حاضرین وچ پروفیسر کاشف مصطفی، شیخ طاہر وسیم،مزمل ثناء اللہ، ناصر اقبال کٹرا، محمد عاطف تبسم، طارق چودھری، عبدالکریم چودھری،عدنان، رفاقت جنید مرزا، تبریزاکرم سندھو، ڈاکٹر بلال طفیل،حسنین چودھری، اسد چودھری، محمد امر،سرفراز ہنجرا تے جاوید تابی شامل سن۔ ایہناں مگروں عباس تابش نے بھرواں کلام سنایا تے ڈھیراں داد وصول کیتی۔ عباس تابش نے بوہتا نواں تے اوہ کلام سنایا جہڑا اوہ مشاعریاں وچ نہیں سناندے۔ اوہناں دی شاعری دے مقام تے معیار اتے تے کوئی دو رائے نہیں تے ایس شام ملاقات وچ اوہناں نے اپنا آپ فیر ثابت کیتا۔ یقینا ایہہ عہد شاعری عباس تابش دا اے۔ ایس لئی اوہ کہندے نیں:
یہ کرم ہے یہ کرم ہے یہ کرم ہے اُس کا
کہ مرے ہوتے ہوئے آیا ہے زمانہ میرا
عباس تابش دے کلام دا باقی نمونہ ملاحظہ کرو:
تاریخ ہے تو وہ بھی تمہاری لکھی ہوئی
اب تم بتائو گے ہمیں، غدار کون ہے؟
یہ تُو بتائے گا ، تیرے قابل کوئی نہیں
یہ میں بتائوں گا میرا معیار کون ہے
٭…٭
اس لئے کھول رہا ہوں میں لپیٹی ہوئی عمر
کوئی آواز سی آتی ہے کہ ہم آتے ہیں
دورِ آخرہے سو تبلیغِ محبت کے لئے
اب پیمبر نہیں ہم اہلِ قلم آتے ہیں
تجھ میں اُٹھتے ہیں گرجتے ہوئے بادل کی طرح
اب تری آنکھ میں آنسو نہیں، ہم آتے ہیں
٭…٭
پہلے تو میں نے پنجرے سے ٹکرائے اپنے پَر
پھر سوچنے لگا مرے منہ میں زباں تو ہے
چُپ توڑ دی ہے ایک پرندے نے بول کر
چلیے ہمارے حق میں کسی کا بیاں تو ہے
اتنی سی بات پر میں اسے چھوڑ دوں گا کیا
وہ لاکھ بددماغ سہی میری جاں تو ہے
٭…٭
یہ وہم میرے لئے مسئلہ بنا ہوا ہے
کہیں خدا ہی نہ ہو جو خدا بنا ہوا ہے
زمانے اس کو اگر توڑنا ضروری ہو
یہ دیکھ لینا مرے ہاتھا کا بنا ہوا ہے
میں اس لئے نکل آیا ہوں دشتِ غم کی طرف
مجھے لگا تھا ادھر راستہ بنا ہوا ہے
ہمارے دل میں مرمت کے بعد آئیے گا
تمہیں لگے گا یہ بالکل نیا بنا ہوا ہے
اخیر وچ علی وقار نے دلکش ترنم دے نال ڈاکٹر سلیمان عبداللہ ڈار دی ایہہ غزل پیش کر کے داد وصول کیتی۔
ہر حسیں عشق کا منظر ہے ترے ہونے سے
ہر خزاں فصلِ گلِ تر ہے ترے ہونے سے
ہر غمِ زیست تری چاہ میں دم توڑ گیا
اوج پر اپنا مقدر ہے ترے ہونے سے
منے پرمنے’ شہرت یافتہ’ بانسری نواز فرحان صدیقی نے بانسری دی دلفریب تے مشہور دھناں نال حاضرین نوں محظوظ کیتا۔فرحان صدیقی بانسری دا اک وڈا فنکار اے تے علی پور چٹھہ دی پہچان اے۔ تقریب وچ پروہنیاں نوں قمر ریاض ولوں سوینیئر پیش کیتی گئی۔ علی پور چٹھہ دے منے پرمنے آرٹسٹ جاوید بٹ نے عباس تابش نوں اوہناں دا خوبصورت پورٹریٹ وی پیش کیتا۔ ایس دے علاوہ ڈاکٹر سلیمان عبداللہ ڈار تے یونس تحسین نے اپنیاں کتاباں پروہنیاں نوں پیش کیتیاں۔ ایہہ یادگار شام ملاقات رات گئے جاری رہی تے حاضرین تے سامعین اتے ڈونگھے نقش چھڈ گئی۔