نیب دا شہباز شریف دے خلاف 12پلاٹاں دی الاٹمنٹ انکوائری بند کرن دا فیصلہ

اسلام آباد: نیب نے سابق وزیراعلیٰ پنجاب شہباز شریف دے خلاف 12پلاٹاں دی الاٹمنٹ انکوائری بند کرن دا فیصلہ کر لیا۔ نیب لہور دی ریجنل بورڈ میٹنگ وچ سابق وزیراعلیٰ پنجاب شہباز شریف دے خلاف 12پلاٹاں دی الاٹمنٹ انکوائری بند کرن دا فیصلہ کیتا گیا، اجلاس وچ آکھیا گیا شہباز شریف دے ملوث ہون دے کوئی شواہد نہیں ملے ایس لئی انکوائری بند کر دتی جاوے۔

نیب ذرائع دا کہنا اے انکوائری وچ نامزد کئی بندے وفات پا چکے نیں جد کہ چیئرمین نیب نوں انکوائری بند کرن دی سفارش گھل دتی گئی اے۔ سابق وزیراعلیٰ پنجاب دے خلاف من پسند بندیاں نوں 12پلاٹ دین بارے انکوائری 20ورھیاں توں التوا دا شکار سی، نیب لہور نے سابق وزیراعلیٰ سنے دوجیاں دے خلاف جون 2000وچ انکوائری دا آغاز کیتا سی۔