خیبرپختونخوا:گورنر نے وزیراعلی دی سمری اُتے دستخط کردتے

پشور(پنجابی میڈیاگروپ)گورنر خیبر پختونخوا نے وزیراعلی دی ایڈوائس اُتے اسمبلی تحلیل کرن دی سمری اُتے دستخط کردتے۔وزیراعلی خیبرپختونخوا محمود خان نے پچھلے دناں صوبائی اسمبلی تحلیل دی سمری گورنر نوں گھلی سی۔ محمود خان دا کہنا سی کہ ملکی مفاد وچ خیبرپختونخوا اسمبلی توڑن دا فیصلہ کیتا اے، عام الیکشن وچ ملک اندر دو تہائی اکثریت نال حکومت بناواں گے۔گورنر خیبرپختونخوا غلام علی نے وزیراعلی دی ایڈوائس اُتے اسمبلی تحلیل کرن دی سمری اُتے دستخط کردتے نیں۔گورنر ولوں سمری اُتے دستخط کیتے جان توں بعد صوبائی کابینہ وی تحلیل ہوگئی اے لیکن محمود خان نگران وزیراعلی دے تقرر تک اپنا کم جاری رکھاں گے۔گورنر ہاس توں جاری اعلامیے دے مطابق گورنر حاجی غلام علی نے آکھیا کہ 1973 دے آئین دے آرٹیکل 112 دی شق (1) تحت کے پی اسمبلی تحلیل کرداہاں،اسمبلی دے نال صوبائی کابینہ وی تحلیل ہو گئی اے، آرٹیکل اے224 دی شق (4) دے تحت موجودہ وزیراعلی نگران وزیراعلی دی تقرری تک کم کراں گے۔ واضح رہے کہ پنجاب اسمبلی پہلاں ہی تحلیل کیتی جاچکی اے جیتھے نگران وزیراعلی لئی وی حتمی فیصلہ نہیں ہوسکیا اے۔