35 اراکان ڈی نوٹیفائی: قومی اسمبلی دا ایک حصہ خالی

اسلام آباد(پنجابی میڈیاگروپ) 35 اراکان ڈی نوٹیفائی کیتے جان توں بعد قومی اسمبلی دے ایوان وچ دلچسپ تبدیلی ویکھن وچ آئی اے، ایوان دا اک حصہ خالی ہو گیا ۔ ایوان ایس ویلے342وچوں296 اراکاناں اُتے مشتمل اے جنہاں وچوں81اراکاناں دے استعفے تاحال زیر التوا نیں،11 نشستاں خالی جنہاں وچوں 7 اُتے عمران خان دی جت دا نوٹیفکیشن جاری نہیں ہو سکیا، میانوالی دی عمران خان دی سیٹ توں اوہناں نوں نا اہل قرار دتا گیا ۔ شکور شاد تے محمد میاں سومرو دیاں نشستاں وی خالی، جیتھے عدالتی حکم امتناعی پاروں الیکشن نہیں ہویا، پی ٹی آئی دے 3منتخب اراکاناں حلف ہی نہیں چُکیا، عملی طور اُتے ایوان دے موجودہ اراکاناں دی تعداد212 اے۔